日本成人博覽女優輪住剝衫

屁股包剪揼

雖然今年日本成人博覽（JAE）得唔到AV界嘅龍頭大廠北都集團全力支持，而佢旗下嘅AV大廠S1、Moodyz等都冇乜動作，但係舞台上一樣春光滿載，事關AV界仲有好多坐擁優質AV女優嘅AV廠，包括SOD、Prestige等等。提到SOD就真係抵讚喇！喺今次JAE當中可以話為咗取悅AV迷而全力以赴，出動咗17位AV女優喺舞台上嚟個競技表演賽。原本係有18位AV女優，由於風梨結愛病咗，故臨時缺席。但係第18位表演者一樣有上台，佢就係上任以來一直都熱衷同女優以及AV迷打成一片嘅社長野本義明喇！

競技比賽先將18人分成兩組，由SOD一姐紗倉真菜帶領古川伊織、戶田真琴、桐谷茉莉、工藤真波、竹田夢、小倉由菜、和美以及野本社長成為紅組，白組則由白石茉莉奈帶領市川雅美、飛鳥玲、加藤桃桃香、榎本美咲、神坂雛乃、三田杏、豊中愛麗絲以及香坂紗梨。競技方式可以話別開生面亦充滿睇頭，因為紅白兩組每回合隨機派出一位隊員出戰猜包剪揼，但唔係用手猜而係用屁股！隊員事前着咗一條印有包、剪或揼圖案嘅底褲，出場時再着一條短褲或裙，決戰時雙方一齊露出底褲睇吓邊個猜贏，輸咗嘅一方就要被罰剝衫！經過多個回合，勝方就係白石茉莉奈帶領嘅白組。

鬥快換衫

相對於SOD，雖然Prestige嘅女優陣容唔係咁鼎盛，但係一樣為大家帶來春色無邊嘅比賽。P廠出動咗6位專屬女優，包括園田美櫻、長谷川瑠衣、吉川蓮、瀨名光莉、愛音麻里亞以及結牧菜，不過今次佢哋冇分組作賽，而係嚟個6女大亂鬥，咁鬥乜呢？就係鬥快喺舞台上換衫喇！6位女優需要鬥快剝走身上嘅T恤，然後換上大會準備畀佢哋嘅制服，包括護士服、日本女警服等，比賽結果就由園田美櫻以驚人嘅40秒時間換上黑貓緊身裝勝出！其實園田美櫻本身係一個知名Cosplayer，一直密密舉行攝影會搵真銀，極速換衫相信對佢嚟講真係駕輕就熟。

除咗SOD以及Prestige之外，AV廠最強屬性一樣有鼎力支持，由癡女之王蓮實Kurea、彩音遙菜、長澤流菜以及舞園花梨上台演出，呢次佢哋就唔係玩咩比賽，而係行吓Cosplay天橋騷，行完之後仲嚟個拿手體位表現，加埋其他AV廠擺嘅檔位亦有大量表演環節，整個JAE認真令人目不暇給呀！

撰文：賢