肥呢個字同「Me Too」一樣好敏感，千祈唔好亂講，頂多講超重好喇，否則又畀人話歧視乜乜乜，不過細佬今日都係為體型超重嘅男女着想，推介呢本《101 Body-Positive Positions To Empower Your Sex Life》性技指南，相信佢哋唔會見怪啩？由體重超過150kg嘅Elle Chase所著，據作者表示，性愛係唔分體型大小，一般人總覺得體型龐大嘅男女無法享受高潮，同時當事人基於外界目光、自我懶惰而放棄性愛權利，咁做人實在太失敗，只要超重男女享受到高潮快感，佢哋嘅人生，甚至體重都會有所轉變。雖然面對龐大身形壓力好大，但只要有精密技巧，一樣可以輕易達到目標。點學？透過呢本書可以掌握到一定技巧，以卡通交代動作，加埋精要文字講解箇中遇到嘅困難，任何有過性經驗嘅男女都應該理解得到。作者更細心到用多個圖案說明不同體位嘅快感指數，即使臨場先揭開本書嚟睇，當事人一樣受用呀！