男士之所以樂於喺床上擔當搶攻嘅角色，除咗因為佢哋零舍亢奮之外，亦令床上樂趣大增。而講到搶及Rob，喺英文情色俚語中，亦有唔少相關嘅詞語，而喺成人作品中更搵到佢嘅蹤影。
如果直譯「Rob The Bank」嘅話，會得出搶劫銀行嘅意思，但話明係情色俚語，又點會係講違法嘅嘢呢？原來喺情色俚語中，「Rob The Bank」嘅意思係指粗暴、快速又具危險性嘅性行為，簡單講即係重口味。不過大家唔好將佢同強暴一詞混淆，雖然兩者嘅情況有啲相近，但「Rob The Bank」係指雙方喺願意嘅情況下發生。英文情色俚語中仲有「Rob The Cradle」，意思係指追求同勾引一啲比自己年輕嘅異性，或者係指跟一啲比自己年輕嘅異性發生性關係。此外，仲有「Rob The Ruffian」，「Ruffian」嘅意思解做惡棍或流氓，而呢度嘅意思則係暗指女性嘅重要部位，不過大家要留意，呢個係19世紀所用嘅俚語，家陣已經冇乜人咁講o架喇！
自從去年VR大行其道之後，唔單止湧現一堆VR專用影片，就連四仔界亦要分一杯羮，講到最具人氣嘅VR短片作品，莫過於打正旗號專攻VR市場嘅四仔片廠VR Bangers，喺今年1月推出嘅作品《The Wrong House To Rob》，片長37分鐘，由人氣脫星Bridgette B擔正演出，故事好簡單，男主角化身成一位偷車賊，成功潛入一個車庫諗住犯案，點知突然被人從後扑暈，醒後發現自己被綁喺床上，原來Bridgette B就係車主，為咗懲罰男主角，決定從肉體上好好調教一番。Bridgette B嘅超誘人演出令人沒法擋，事實上，呢位喺1983年10月15日於西班牙巴塞隆拿出生嘅火辣脫星，擁有40F-28-38火辣三圍，先後演出超過300套四仔。之但係佢同獎項冇乜緣，喺四仔頒獎禮中從未攞過大獎，有啲遺憾。
口舌遊戲叫「Oral Job」、手作仔叫「Hand Job」，之但係乜嘢叫做「Rob Job」呢？原來「Rob Job」嘅意思係同「Hand Job」有關，只係「Hand Job」係手作仔嘅統稱，而「Rob Job」則係指當男方就嚟到達爆發臨界點時，伴侶突然停手，令男方未能成功發射升空。呢種到喉唔到肺嘅手作仔玩法，就叫做「Rob Job」。發射唔到固然辛苦，不過有啲男士卻又鍾意咁做，理由係佢哋相信發射得多對健康有害。不過醫學報告指出，男士半途忍住唔發射嘅話，卡住喺輸精管內嘅精液除咗會令人產生脹痛感，亦有機會引致泌尿系統問題，甚至有可能影響控制性興奮嘅神經系統產生抑制作用，導致性功能紊亂，從而導致勃起功能障礙等問題，後果可大可小。
對AV迷嚟講日本AV女優進軍樂壇已經唔係新聞，至於佢哋嘅唱歌水平，喺大家嘅心目中只屬玩票性質，查實當中不乏唱得之人，好似日本AV女優團體「惠比壽麝香葡萄」嘅第4代隊長明日花綺羅正係其中之一。唱歌技巧喺AV女優當中屬於高水平嘅佢，曾推出過多首單曲，佢最近更搶埋Rapper嘅飯碗，實行嚟個「AV有嘻哈」！事緣喺今年8月，明日花綺羅同吉澤友貴同小野美公組成嘻哈團體「Champagne King」，9月時推出同名嘻哈專輯。而早前明日花綺羅睇到YouTuber改編歌曲《抱歉我真的宅》（Cho Wavy De Gomenne）後，便有感而發而推出最新單曲《抱歉我真的超色》（Cho Ero De Gomenne）。喺MV中，明日花綺羅展露G奶深溝魅力，同時透過極之露骨嘅歌詞挑戰大家嘅尺度極限，例如歌詞中有「發射不出來就啪啪啪」等。縱然歌詞相當大膽，卻憑住出色嘅說唱技巧而大獲好評，甚至有人認為明日花綺羅足以搶Rapper嘅飯碗添！
撰文：魂