所謂時也命也運也，好多日本寫真女郎出道嘅時候係威係勢，但係威勢往往未能持續，之不過又有云絕境亦可以逢生，如果本身質素優秀的話，只要肯努力改進，就算係鹹魚都一樣可以翻生，就好似清水愛里咁。清水愛里年方二十有四，樣子青春可愛，一臉天真稚氣，認真得人鍾意！身材方面，可謂充滿殺傷力，除咗肌膚鮮嫩雪白，上圍對純天然H奶飽滿又彈力十足，絕對係寫真界當中罕見嘅極品好波！
愛里今年出道已經有10年，2007年以平山藍里為藝名初次登陸大銀幕，演出電影《想見的心》，後來身材發育得豐滿誘人，於是就去拍水着寫真。不過，愛里嘅性感演出未能成功討得觀眾嘅歡心，可能係因為演出無甚特色之故，令人氣愈來愈低，後來阿妹改用現有藝名拍片，同時愈扮愈靚女，身材亦愈來愈曲線迷人，再加上識得賣萌，終於成功翻身，最近更加首次推出實體寫真集《puyu.》紀念出道10周年！當中可以睇到愛里去到海灘跑跑跳跳，散發出青春活力，同時大騷激凸鮮嫩胴體，若然覺得睇書仲未夠過癮亦冇問題，因為隨寫真集附送一隻DVD，裏面收錄咗70分鐘嘅拍攝花絮，為大家帶來雙重享受！
書名：《puyu.》
售價：約HK$262
撰文：賢