正所謂人靠衣裝，若然着啱自己Style嘅服裝，真係可以起到畫龍點睛嘅作用！不過有啲衫自問冇身材就千祈唔好着，好似以下呢件T恤咁，心口冇番咁上下肉地嘅女士穿着，只會自暴其短。另外，巴打要留意，性高潮一刻記得放鬆自己，否則會好似一位英國男士咁，因高潮過激而搞到視覺受損。
呢件名為「倉鼠T恤」由日本設計公司Mocolle設計，充滿妄想嘅意味，T恤上印有一隻食緊葵花籽嘅倉鼠，當巨乳女生穿着後，豐滿嘅上圍啱啱好谷起倉鼠肥嘟嘟嘅面頰，營造出激凸嘅效果，同時令倉鼠變得更加可愛。如此一件T恤，居然暗地裏有令人充滿遐想嘅設計，難怪設計公司會形容佢充滿妄想味道。不過唔單止得呢個賣點，據設計公司稱如果按壓雙峰嘅話，仲會營造出倉鼠食緊葵花籽嘅效果，但先決條件係穿着者嘅上圍一定要有番咁上下尺寸至得。為咗可以讓大家睇到倉鼠T恤嘅穿着效果，設計公司特別搵嚟人氣巨乳Cosplayer宮本彩希做模特兒，真係好有心思。T恤共有兩款圖案，分別係金黃倉鼠同灰倉鼠，家陣喺日本眾籌網站Camp-fire籌集生產資金，目標資金為230,000日圓（約16,100港元），現已籌得135,580日圓（約9,491港元），距離眾籌限期仲有40多天，有興趣不妨支持吓。
講到同底褲有關嘅日本動漫，相信唔少人會即刻諗起笠女裝底褲變超人嘅《變態超人》，嗰種超邪氣嘅變身方式，真係相當變態！不過凡事總有兩面，如果係美少女頭戴底褲飾物嘅話，效果就會變得可愛！話說早前日本播放由輕小說改編成動畫嘅《如果有妹妹就好了》，當中有段情節講述女主角三國山蠶將女裝底褲摺成蝴蝶結，然後戴喺頭上當飾物，結果網民大讚「卡哇伊」！大家唔好以為當中嘅底褲蝴蝶結係憑空想像，事關喺動畫中竟然將蝴蝶打結法同大家分享，難怪引起網民哄動。摺出蝴蝶結嘅方法，首先要準備一條女裝底褲，跟住將左右腰帶各自向左右大髀窿位穿過，然後向上翻出再喺底褲中央部分包實便完成。如果仲係唔明嘅話，唔緊要，事關漫畫家監督カントク拍咗條官方教學片等大家跟住嚟摺。話時話，大家又有冇諗過點解呢本輕小說嘅作者平坂讀會識得呢個摺法呢？同埋係咪會有人真係會將呢條底褲蝴蝶結戴喺頭上呢？
網址：https://www.bilibili.com/video/av16938785
太過激烈嘅高潮，會引致盲眼！根據英國《太陽報》嘅報道指，早前有位29歲嘅男士檢查左眼，因為發覺睇嘢唔清楚，醫生問佢之前有冇做過一啲特別嘅事，男士就話前一晚經歷過一場超興奮嘅床戰後，發覺眼睛唔係咁舒服。經檢查後，醫生表示男士之所以左眼會出現視覺模糊，係因為強烈性高潮瞬間所產生嘅壓力，導致眼球微絲血管爆裂並出血，結果因為血液流出而影響視力，從而令患者出現無法睇清楚事物嘅情況。另一方面，因為男士喺性高潮一刻，有習慣性短暫停止呼吸嘅反應，會間接令高潮所產生嘅壓力無法得到釋放，從而令眼球內血管破裂嘅情況。一時興奮搞此視覺受損，咁點算好？大家唔使擔心，醫生表示只要等阻礙視線嘅血液慢慢被身體吸收後，視力便會恢復，換言之只係短暫性視覺受損而已。醫生補充，唔想出現呢個情況，男士們記得以後喺高潮時全身放鬆，唔好因為太過刺激而導致壓力上升。
撰文：魂