成人美多滋味

家陣生活上好多事情都已電子化,睇書亦係一樣,故不難發現愈來愈少人會拎起一本實體書嚟睇!而推出實體書又要印刷又要喺書店上架,對製作方嚟講可以話係負擔不輕,亦因為咁日本寫真女郎以及女星出寫真集都唔係話出就出,更漸漸變成出書者作為慶祝重要日子嘅動作之一,水谷果穗就係為咗慶祝20歲生辰而推出呢本寫真集《Anniversary》喇!

水谷果穗喺2012年出道,當年初登電視屏幕,演出嘅劇集係《現實逃出遊戲 密室美少女》。果穗一路發展落嚟都相當理想,拍劇又唱歌,仲參演過唔少電影,明年就會有電影作品《Honey》上映。11月3日係果穗嘅20歲生日,為紀念呢個象徵長大成人嘅日子阿妹便推出寫真集《Anniversary》,當中果穗會將不同感覺帶畀大家,例如喺櫻花樹下展露天真笑容,亦會去到海灘跑跑跳跳展現活潑,又會喺溫泉露出濕透嘅胴體以及紅卜卜嘅俏臉,送上不同嘅性感滋味。

書名:《Anniversary》

售價:約HK$206

撰文:賢