慾望迷陣 令人深呼吸

每當男人見到索女時,都會有種難以呼吸嘅感覺。其實呢種主觀體驗人人唔同,你覺得對方索到難以呼吸,人哋未必會有同感。喺情色俚語中有唔少同Breath及呼吸有關嘅詞語,另有唔少成人作品及女優令人睇到心跳加速、呼吸急促,依家一次過睇晒佢哋啦!

情色俚語:Sex Breath 呼吸急促

直譯「Sex Breath」嘅話意思係性愛呼吸,只係啱咗一半,原來喺情色俚語中佢嘅意思係呼吸急促,暗指當事人啱啱經歷完一場超激烈嘅性愛,例句:John said, "I just spent the last two hours scoring a threesome!"(阿John話:「我啱啱玩咗2粒鐘三人行!」)Sam said, "Wow, you must have mad sex breath."(阿Sam就話:「嘩,你一定激烈到扯晒蝦!」)激烈又開心嘅性愛係男人都鍾意,不過若然聽到有人話你把口有陣「Penis Breath」嘅話,就真係唔係咁開心喇,皆因佢嘅意思係話你口臭呀!

玩樂辭典:Breath-play 重度愉虐

激烈嘅性愛有好多種,只係有啲玩法真係咪亂試,而「Breath-play」正係其中一種。所謂「Breath-play」其實係一種愉虐系嘅重度玩意,從而提升高潮感覺,不過由於呢種玩法有危險性,大家千祈唔好亂試。關於「Breath」仲有另一種玩法叫做「Dragons Breath」,過程點玩就唔多講嘞,總之同樣係愉虐玩意,具有一定危險性,因此免得過就唔好玩喇!

美國四仔系列:《Heavy Breathing》 色情熱線

曾經興起嘅色情電話熱線,即使張電話費單貴到爆,卻仍然令唔少男士沉迷不已,其中一個原因,在於電話筒另一邊把女聲令人有無限幻想。呢套由Jack Genero喺1986年執導嘅作品《Heavy Breathing》就係以色情熱線為題材,搵嚟艷星Bunny Bleu主演,結果獲得極佳嘅票房,同時喺AVN頒獎禮中獲得最佳經典成人電影嘅提名。故事講述從事色情電話熱線嘅女熱線員Abby,由於聲線相當誘人,一直人氣高企,但喺現實中佢卻係一個深閨女子,有日屋企電器壞咗,於是打電話搵維修人員,佢把迷人聲線引起對方嘅性幻想,上門後兩人就激戰連場,並打開咗Abby嘅心窗。另一邊廂,Abby暗戀咗好耐嘅男神Eddie,竟然同Abby表白,因而令佢陷入一段三角迷情之中。有趣嘅劇情固然好重要,但係Bunny Bleu嘅叫座力亦功不可沒,呢位喺1964年6月1日出生嘅艷星,擁有50F-22-33嘅魔鬼身材,加上淫亂嘅床上演出,令佢先後演出過超過570套成人電影,並且喺1997年進入AVN名人堂。

日本AV系列:蒂亞 最索混血女優

日本AV界有唔少索到令人難以呼吸嘅女優,至於日本男士認為邊個女優最索呢?有網站做咗個調查,結果由蒂亞勝出!喺1991年9月23日於日本沖繩出生嘅蒂亞,擁有美日混血血統,五官標致,樣貌相當迷人,而佢39H嘅上圍配合23吋蛇腰,如此魔鬼級嘅身材更係極具視覺壓迫感,唔少日本男性表示,每次睇佢演出時,喺美貌同導彈胸嘅夾攻下,配合埋激烈嘅床戰,總會令人有難以呼吸嘅感覺。唔少人以為蒂亞喺2012年6月出道,其實早喺2010年6月佢便以藝名秋山京子之名演出AV片廠Jewel嘅作品《高級人妻的交尾》,呢套先至係佢嘅處女作。其後佢又用過黑川愛沙、淺間亞理子等藝名拍片,及至2012年6月推出《E-BODY獨家Debut 南之島的美少女》,先至起用蒂亞呢個名字。正當佢人氣如日方中之際,去年8月30日突然宣布引退,不過只係短暫告別3個月後便復出,家陣佢不但活躍於AV界,同時又從事時裝模特兒及演藝工作。

撰文:魂