網絡世界係人都可以隨意上網講兩句，但其實亂噏，真係死得人o架！講緊係黑人男優Mr. Marcus差啲被脫星Tasha Reign害到份工冇咗之餘，連同佢合作過嘅脫星都冇得撈呀！據成人新聞網報道Tasha Reign唔知乜嘢原因，早前喺社交網話Mr. Marcus感染咗世紀絕症，而當事人亦早知自己有愛滋病。嘩！男優染上呢個病已經大鑊，仲要係一位入行超過23年嘅經典男優，傳開去後你估有幾多人會中招呢？四仔迷當然好少留意男優，之但係Mr. Marcus係非一般男優，1994年加入四仔界，雖然年近半百，但阿哥佢床上表現勇猛，冇諗過退休之餘，仲做埋導演兼開設個人網站搵真銀，不過佢為人低調，只係默默耕「淫」砌砌砌，唔似得現役男優咁識得包裝。講番「世紀絕症」單嘢，事後Tasha Reign及成人新聞網都明確表示Mr. Marcus非愛滋病患者，而Mr. Marcus接受訪問時表示完全唔明點解Tasha Reign要陷害佢，更怒斥Tasha Reign作為一個有幾十萬追隨者嘅一線脫星，竟然可以毫無根據不負責任咁亂噏，Mr. Marcus除咗感到無奈都唔知可以做乜嘢好囉！