究竟玻璃同情慾之間有乜嘢關係呢？唔少人都以為兩者大纜都扯唔埋，查實原來不論喺英文嘅情色俚語，抑或歐美經典嘅色情電影，甚至日本AV界都有唔少同Glass及玻璃有關嘅俚語、作品同人物，相信大家睇完今次嘅介紹一定會大開眼界。
英文情色俚語中有「Glass Slipper」，不過佢唔係直譯做玻璃拖鞋，而係指身形異常高大嘅男士好難搵到一個可以完全容納巨型兵器嘅異性，當佢哋難得搵到一位天賦異稟嘅女性時，便會稱呼對方做「Glass Slipper」。冇錯！佢嘅由來正係源自童話《灰姑娘》試穿玻璃鞋嘅故事。話說回來，現時有唔少以玻璃製成嘅情趣玩具，而大家知唔知最早嘅玻璃製如意棒（Glass Dildo）係幾時出現呢？據17世紀嘅意大利劇作中，指16世紀時已有玻璃製作嘅像真如意棒，只係有人認為呢類內容應該係諷刺居多，即使有都未必作為自娛用途，事關邊個夠膽將易碎嘅玻璃棒同身體嘅重要部位接觸呢？因此真正出現可以使用嘅玻璃棒係喺1915年，由康寧公司（Corning Incorporated）研發耐熱對抗性極佳嘅玻璃Pyrex製造而成。雖然現今有唔少剛化玻璃，卻仍然有唔少玻璃棒仍標榜自己係採用Pyrex製造。
呢度所講嘅「Glass Turkey」唔係指玻璃製成嘅火雞擺設，而係指一種性愛體位，玩法係首先要搵一面大玻璃窗，然後女伴企喺窗前擺出推車仔式嘅預備動作，男伴則雙手撳實玻璃窗進行運動。冇錯！即係玻璃窗版嘅推車仔。據講由於男女進行呢個動作期間，窗外人只係見到男士喺窗前張開雙手，貌似火雞張開雙翼關係，故此得到呢個稱呼。仲有另一個同玻璃有關嘅性愛體位，叫做「Glass Plating」，玩法簡單得多，就係女伴趴喺一張玻璃枱上，然後男伴從後挺進。如果大家有睇開日本AV嘅話，便會發現呢招其實相當常見，分別在於AV作品中嘅女優通常都係剝光豬而已。
雖然童話名著《愛麗絲夢遊仙境》嘅續集《愛麗絲鏡中奇遇》（Through The Looking-Glass, and What Alice Found There）唔多人識，但係將呢個續集改編成美國成人電影《Through The Looking Glass》後，卻喺電影史上有舉足輕重嘅地位。1976年由導演Jonas Middleton自編自導，搵嚟美艷金髮艷星Catherine Burgess飾演女主角Catherine，同時搵嚟Jamie Gillis、Douglas Wood、Kim Pope等演員坐鎮。故事講述名媛Catherine被惡魔透過玻璃鏡召喚到另一個世界，而喺呢個世界中喚起佢點解會成為淫娃嘅回憶，經過一段又一段荒淫經歷後，佢終於萌起回到現實世界嘅諗法，可惜先要達成惡魔開出嘅條件至得。為咗可以順利喺歐美嘅戲院放映，Jonas分別剪接咗Softcore及Hardcore兩個版本，Softcore版本分別喺歐美兩地戲院放映，而Hardcore版本則喺美國紐約嘅World Theater首映。由於Jonas糅合咗新浪潮嘅拍攝手法，加上虛幻同現實交錯嘅劇情，獲得好評如潮，時至今日仍被視為美國色情電影黃金時代嘅代表作之一。
玻璃喺日文中寫做琉璃，唔少日本女性都喜歡改名為琉璃，喺AV界就有一位女優名叫西條琉璃。呢位喺1990年3月1日於東京出生嘅AV女優，身高155公分，擁有一對44M嘅爆乳！知唔知44M有幾大呀？係好大好大呀！作為日本AV片廠S1專屬女優嘅西條琉璃，廠方對佢寄予厚望，更為佢度身訂造一連串造勢計劃，先喺2010年4月推出Image Video，即係冇露點又冇啪啪啪演出嘅純寫真DVD，跟住喺5月推出全裸寫真集《爆乳RURI》，等大家飽覽佢一對奇峰！事實證明呢個安排非常成功，事關西條琉璃喺9月推出AV處女作《新人No.1 Style M Cup 111公分》時，獲得極大回響，同時成為AV界爆乳女優嘅代表人物。不過跟S1其他前輩女優一樣，西條琉璃被S1榨乾後好快便踏入產量下滑期。喺2012年底佢轉會到AV片廠Maxing，冇耐就以單體女優身份游走各間片廠推出作品。雖然冇咗專屬女優嘅光環，但呢個決定卻令佢迎嚟第二個事業高峰，可惜高峰過後，近年作品愈嚟愈少，睇怕阿妹有可能會引退。
撰文：魂