乜狼人又有新電影上咩？唔好誤會，今日主角真係叫盧根，不過佢本人都知無人知佢叫盧根，所以佢喺社交網都幽自己一默叫「Who is Logan」！佢全名叫Logan Pierce，咁究竟佢有乜咁巴閉，竟敢喺睇四仔都唔畀錢嘅年代學人出書呢？咪因為靚仔囉，仲有支一柱擎天鋼炮先最吸睛呀！
四仔男優盧根除咗床上表現勇猛，更深得脫星們喜愛，個個都讚佢非常識做人，喺鏡頭前後都笑容滿面，充滿陽光氣息，更重要係好尊重女性，連閱男無數嘅脫星都話好冧呀！行內行外都咁多人撐，難怪盧根趁住佢27歲生日推出自傳《Between the Sheets》 ，千祈唔好誤會佢教大家點入行做男優或教授床上秘技，盧根哥純粹係分享自己嘅前半生，講吓佢點解喺大學修讀電影學系卻中途輟學，之後染上不良嗜好，人生無晒目標，第一份工喺寵物酒店執貓狗屎，過住縱慾生活，但因為太喜愛電影，雖然無料都希望從事相關工作，於是向四仔廠自薦當男優，因為有番咁上下外形，深得New Sensations、Sweet Sinner、Erotica X等大型四仔廠重用，成為四仔界新一代男神，就係咁盧根搵到興趣，亦搵到人生目標，當然最重要係搵到錢啦！所以即使呢本214頁嘅自傳擺明針對女性市場，但想學到盧根哥一半，男士們睇吓亦無妨！
書名：《Between the Sheets》
售價：約HK$133
撰文：祖