以往日本AV女優宣告引退之後，就唔會再有消息，簡直好似人間蒸發一樣！不過咁又冇做錯嘅，因為班女優引退後都希望可以過新生活，唔想再畀大家舊事重提。然而，近年唔少女優即使引退依然活動多多，好似成瀨心美咁，唔拍AV亦為AV廠KMP做宣傳大使以及密密開攝影會，而麻美由真就轉型做歌手同主持，粉絲可以繼續見到偶像嘅演出。而喺好多AV迷心中，一直都好希望可以再見到上年引退嘅AV天后上原亞衣一面！大家望穿秋水，終於有機會喇！最近亞衣所屬嘅AV事務所Mine's發出一段女優見面活動消息，當中演出嘅女優正正係萬眾期望嘅上原亞衣，將會喺11月23日及25日於東京舉行粉絲見面會，活動內亞衣會同粉絲對話，仲有簽名及攝影環節添！相隔一年半能夠再見到亞衣，作為粉絲當然高興，但係活動嘅入場費唔平，一般座位收費20,000日圓，約1,400港元，至於VIP位就要35,000日圓，約2,400港元，值唔值得就見仁見智喇！