雖然成日喺度介紹情慾小說，而當中亦有唔少翻譯作品，但被翻譯嘅唔係嚟自美國就係歐洲，其實有冇嚟自其他地方同時又有中文版嘅情慾小說作品呢？梗係有啦！好似呢本由水島忍所著嘅《豪門密約》（溺愛社長とウェディング）就係其中之一。水島忍呢個名字對我哋嚟講可能相當陌生，但係佢喺日本情慾小說界相當有人氣，事關佢擅長編排性與愛拉扯劇情，加上靈慾合一嘅角色，作品十分暢銷，更成為日本票選情慾小說最愛作家嘅第一名。
《豪門密約》嘅故事講述渴望愛情嘅女主角青木詩帆，為咗報答長輩嘅恩情，不但賣命地工作，同時主動包攬所有大小瑣事，希望能夠獲得對方嘅肯定，但係佢嘅努力付出卻換唔到一點回報。某日，青木詩帆偶遇年輕總裁神野瑛司，最初佢對對方嘅印象一般，但經過一段時間嘅相處之後，被對方紳士態度、體貼又風趣嘅性格所迷倒，而對方嘅關懷更令詩帆體驗到從未感受過嘅強烈被愛感覺。不過，原來瑛司有另一面嘅性格，就係當佢動情時，會展現出霸道、野性同高超性技，呢種表現不但帶畀詩帆強烈嘅快感，同時令佢對瑛司嘅愛更加難以自拔。婚後嘅詩帆以為自己終於獲得幸福眷顧之際，卻意外發現呢場豪門婚姻，竟然係交易下嘅產物，雖然佢獲悉真相後難以接受，只係烙印喺身上嘅觸感同瑛司嘅氣味，早已令佢無法回頭。
書名：《豪門密約》（溺愛社長とウェディング）
售價：約HK$70
撰文：魂