《幪面超人》最新系列《幪面超人Build》，播出以來備受好評，更加喺日本掀起熱潮，吸引到不同年齡層嘅觀眾熱情追看，就連20歲嘅美尻美少女佐佐波綾亦唔例外，最近綾妹更加睇到上晒腦，學埋超人玩變身添！話說早前綾妹拍緊AV嘅時候，AV達人澀谷讓二嚟到現場探班，同綾妹傾咗幾句，一傾之下就知道綾妹原來追睇緊《幪面超人Build》，對超人嘅變身過程熟到入晒腦，不過講係冇用嘅，澀谷讓二即刻要求綾妹用變身玩具腰帶示範一下，而綾妹好熟手咁拎起腰帶戴上身，再將兩支用嚟變身嘅「滿裝瓶」插入腰帶，然後搞動腰帶嘅特製把手，大叫一聲「Best Match！」最後擺咗個幪面超人型仔姿勢，真係似模似樣！綾妹你對《幪面超人Build》咁情有獨鍾，又對超人變身過程咁熟悉，不妨拍番套特攝AV過吓癮啦！