甜蜜的誘惑

情色俚語：Honey Pot　神秘蜜洞

「Honey Pot」嘅中文意思解做蜂蜜瓶，不過喺情色俚語中卻有另一個意思，就係指女性嘅蜜洞。呢個部位之所以有呢個稱呼，原來係因為男性精華嘅其中一個英文外號叫「Honey」，因此用嚟盛載精華嘅地方，就順理成章稱為「Honey Pot」喇。講開蜜洞，醫學上統計，每4,000至5,000名女性就有1人患有先天性陰道發育不全，呢種疾病嘅特徵就係連結子宮頸外陰嘅陰道發育唔完整。

此外，英文情色俚語中仲有「Honey Potting」，不過佢同「Honey Pot」一啲關係都冇，咁佢又係乜嘢意思呢？原來係指某啲女性對男士嚟講具有特殊吸引力，例如有啲男士特別鍾情長髮女郎，咁呢啲長髮女郎就被男士稱為「Honey Potting」。

玩樂辭典：Sex Honey　浪漫性愛

大家唔好睇錯，呢度所講嘅唔係「Sexy Honey」，皆因「Sex Honey」並非對伴侶嘅稱呼，而係指兩種調情玩法，第一種嘅玩法係將蜂蜜搽喺伴侶嘅三角位置，以挑起對方嘅情慾，而呢種玩法亦常見於四仔作品之中；第二種玩法係伴侶互相舔啜，從鼻頭一直舔到嘴唇，當中嘅唾液猶如蜜糖般漏瀉。如果唔想玩得咁重口味嘅話，仲有個叫做「Honey-fxxx」嘅動詞，雖然佢用咗個粗俗詞語，但其意思卻係相當浪漫，係指發生一次好似田園詩咁浪漫嘅性愛。

美國四仔系列：《The Honey Wilder Collection》　淫氣熟女

呢套由四仔廠Video-X-Pix喺2007年5月推出嘅專輯《The Honey Wilder Collection》，可以一次過重溫Honey Wilder喺眾多作品中嘅經典性愛場面。唔知邊個係Honey Wilder？佢就係1982年美國色情電影《Taboo II》嘅女主角喇！片中收錄咗佢自出道以嚟眾多代表作嘅經典場面，除咗有《Taboo II》外，仲有《Swedish Erotica 39》、《Wild Dallas Honey》、《Bubble Gum》、《Dolce Alice》以及《Fantasie Private 4》等。於1950年11月26日出生嘅Honey Wilder，為上世紀80年代嘅人氣脫星，擁有一對天然嘅雙子峰及性感迷人嘅眼睛，1981年進軍四仔界，專門扮演勾引年輕男生嘅淫氣熟女，憑住出色嘅演技及由心而發嘅淫氣，令佢極速冒起，至2006年更成為AVN名人堂一員，足見佢實力強勁。

日本AV系列：Juicy Honey　AV女優卡

日本AV行業市場龐大，除咗推出AV作品及以AV女優嘅名義推出情趣用品之外，其實仲有唔少周邊產品以滿足AV迷嘅需要，其中一種就係AV女優卡。日本有唔少推出AV女優卡嘅製作公司，但係講到當中最具影響力，必然要數喺2005年成立嘅Juicy Honey。呢間公司所推出嘅女優卡最大賣點係製作精美，將一眾AV女優最索一面展現出嚟。此外，為咗吸引AV迷，會定期推出特別版本，好似寶麗萊卡、女優親筆簽名卡、女優着過嘅內衣卡，甚至女優私處毛毛卡等，以挑起AV迷嘅收集興趣，好似今年推出嘅最新系列「The Deluxe 2017」，就收錄咗Julia、高橋聖子、桐谷茉莉及佐倉絆嘅左右乳首3D效果圖，呢啲特別版本唔單止具有收藏價值，更具有投資價值，例如之前推出嘅明日花綺羅特別版底褲卡，由原價5,000日圓（約355港元）升價至12,000日圓（約852港元），升幅超過一倍！另外，2015年Juicy Honey為慶祝成立10周年所推出嘅紀念版女優卡，不但搵嚟波多野結衣、明日花綺羅、希崎謝茜嘉、希志愛奈、小島麻奈美及紗倉真菜做模特兒，更喺卡上親筆簽名加唇印，令呢套卡嘅珍藏價值大大提升。

撰文：魂