每個行業嘅新手都總會出現甩轆嘅情況，可能因為佢哋未熟悉工作，又或者本身係大頭蝦一個。日本風俗店作為服務行業一員，新手風俗孃又有冇最常出現嘅甩轆事件呢？日本風俗招聘網站「Momojob」早前訪問咗一位有6年風俗經驗嘅現役風俗孃，等佢親口話畀大家知新女最常出錯嘅地方啦！
道具嘅意思相信大家都估到，就係指情趣用品如震蛋、按摩棒、潤滑劑、消毒液等，不論喺邊類型風俗店工作嘅風俗孃，佢哋提供服務時都會帶埋裝有道具嘅手袋出勤，而按服務內容，例如S系風俗店咁，風俗孃手袋內會有手銬、皮鞭、低溫蠟等道具，以防玩家臨時興起想玩。呢啲道具都係由風俗店自行管理兼消毒，而每次出勤前亦會檢查一下手袋內嘅道具齊唔齊備。
據富經驗嘅現役風俗孃指，新手風俗孃最常出現就係帶漏道具。可能有人覺得帶漏咗震蛋無損玩家興致，但實情係日本風俗服務係按項目收費，若然冇震蛋就少咗一個項目，風俗孃便會少咗一項收入，客人亦有機會因此而發難。咁唔記得帶道具點算好呢？其中一個方法就係急召「迎送車」司機速遞道具送上門，之但係呢啲烏龍事可一不可再。
現役風俗孃表示漏帶走物品包括兩種情況，一係唔記得帶自己嘅物品，二係唔記得幫客人檢查，對方有冇帶齊物品離開房間。前者由於風俗孃每次出勤都要帶唔少道具同個人物品喺身，如果喺酒店嘅話，返轉頭拎番事小，因此而令下一單工作遲到就大件事。至於最常漏帶嘅物品並非內衣或制服，而係一啲小型物件，例如領呔、絲帶、震蛋等。至於後者，原來按風俗孃守則規定，佢哋係要幫客人檢查有冇帶漏物品才可以離開房間。現役風俗孃自爆曾試過一時大意冇檢查清楚玩家嘅隨身品物，以致對方嘅手機遺留喺酒店房，最後要向對方道歉足足成粒鐘。
風俗孃指錯誤分配時間幾乎係每一位新手風俗孃都會犯過嘅錯誤，至於乜嘢叫做錯誤分配時間呢？由於日本風俗店嘅服務係按時間嚟計算，一般分為30分鐘、60分鐘、90分鐘同120分鐘，因此點樣可以喺時限內，既唔會出現做唔切，或者提早做完而有空餘時間，便成為風俗孃最重要嘅技巧。而新手風俗孃通常甩轆嘅情況係太快令玩家發射升空，搞到對方好失落，又或者係喺限時內未能成功讓玩家發射。如果過早發射尤自可，喺限時內發射唔到嘅話，則可能成為玩家索賠嘅理由。
新手風俗孃仲有一啲有趣嘅甩轆事件發生，例如認錯「迎送車」，以致上錯車。原來出張風俗孃每次服務完後，都會坐上風俗店專屬「迎送車」，然後到下個工作地點。話說呢位現役風俗孃喺出張風俗店工作時，試過上錯咗其他風俗店嘅「迎送車」，因而令佢相當尷尬。另一件甩轆事件，就係喺服務途中，當佢諗住轉換體位時，卻意外一腳踢中客人塊面，搞到對方流牙血兼甩牙，好彩對方冇怪佢並繼續玩樂。不過佢回想起當時對方成口血嘅場面，真係情願對方中止服務。
日文中嘅「迎送車」，其實即係接送車咁解，而日本風俗店通常都有自己專用嘅迎送車，當中亦有分成兩類，一種係搵Call車服務嘅司機嚟兼職，另一種則係風俗店自組車隊，後者好處係方便風俗店安排及管理，尤其係出張風俗店更常見呢種做法。不過無論邊種形式，風俗店對「迎送車」及司機都有相當要求，一定要係房車或七人車，車身顏色唔可以太鮮艷，而司機不但要守時，裝扮亦要得體，甚至要做埋保鏢。咁司機可唔可以同風俗孃發生感情呢？唔使問都知係唔許可，平時連傾偈都唔得o架！
撰文：魂