人生最緊要好玩，但係玩乜嘢先至好玩呢？喜好嘅嘢每個人都唔同，真係好難答你，只知道喺情慾字典中有唔少同Playing有關嘅俚語，仲有美國四仔同日本AV都有唔少相關嘅作品，依家即刻睇睇啦！
唔想直接講去啪啪啪，我哋會稱之為滾床單、爆房、床震等委婉用語，而喺英文嘅情慾俚語中亦有類似嘅用語，其中一個就係「Playing Tennis」，直譯係打網球，不過喺鹹濕界中，佢係指男女去曳曳咁解，例句：「Where are Paul and Susan?」（阿Paul同Susan去咗邊？）「They are playing tennis at the moment.」（佢哋去咗開房呀。）其實「Playing Tennis」同「啪啪啪」呢個曳曳暗語有異曲同工之妙，事關球拍拍擊網球時會發出啪啪啪嘅聲音，加上球手用力抽擊時嘅呼喊聲，跟床戰時嘅呻吟聲相近，因此出現呢個委婉詞。此外，仲有「Playing Pocket Pool」，直譯意思解做打袖珍桌球，即係喺張尺寸細小嘅桌球枱上打微型桌球，不過喺情色俚語中，佢係指透過褲袋幫男士進行手作仔咁解。
「Playing Guitar」嘅意思解做彈結他，喺情色俚語中，佢嘅意思又點會咁單純呢？原來係指一種性愛體位，玩法好簡單，女伴喺進行緊騎乘之際，瞓喺度嘅男方則向女方上下其手，呢個動作好似彈結他，於是就叫做「Playing Guitar」。講開關於樂器又同「Playing」有關嘅情色俚語，仲有「Playing a One-stringed Guitar」（彈單弦結他）同「Playing Piano」（彈鋼琴），兩者嘅分別在於前者係指男士自娛，後者則女性自娛咁解。此外，仲有個情色俚語叫做「Playing Chopsticks」，亦係解做男性自娛。
2004年由美國四仔片廠Anarchy Films同Python Pictures聯手炮製嘅《Playing With Nautica Thorn》，由脫星Nautica Thorn擔綱演出，係四仔系列《Playing With》其中一個作品，因為極受歡迎關係，及後推出續集《Playing With Nautica Thorn #2》。點解佢咁受歡迎呢？事關女主角Nautica Thorn擁有美艷樣貌同火辣身材，加上狂野嘅性愛演出睇到四仔迷興奮不已，而Nautica憑住呢套作品人氣急升。至2005年Nautica憑住另一套四仔作品《The Collector》，於AVN頒獎禮獲得最佳性愛演出及最佳脫星提名，翌年佢又喺AVN獲得成人界傑出成就獎提名，到2007年獲得Adultcon評為四仔界20大脫星之一，足見Nautica實力強勁。講番呢套四仔，雖然係零劇情，但係Nautica Thorn由頭激戰到尾瞓身演出，就已經值得欣賞。
喺1995年由AV片廠Max-A推出嘅《Body Playing 肉體遊戲》，係麻生早苗嘅代表作。有啲年資嘅AV迷都會聽過麻生早苗呢個名字，呢位喺1975年11月2日於日本東京出生嘅AV女優，憑住激凸三圍35E-24-34及極淫體質嘅演出，成為上世紀90年代中嘅代表性AV女優。麻生早苗喺1995年出道，憑住處女作《Touch Me 用火熱的心擁抱我》取得極高人氣，為咗充分展現出佢嘅淫邪妖氣，《Body Playing 肉體遊戲》可謂Max-A特別為佢打造之作，從此奠定淫娃形象。不過人紅之後，麻生早苗嘅花邊新聞亦隨之而嚟，當中最為人津津樂道嘅係佢同加藤鷹傳緋聞，有報道指兩人喺拍攝AV《Deep Kiss》時邂逅，其後喺拍攝《女教師狩獵 in Sanae》時熱戀，之後兩人秘密結婚，並育有一子，喺2011年離婚。早苗喺2000年宣布引退，相隔12年後於2012年復出，近年佢已淡出AV界。
撰文：魂