中秋節最好梗係一邊食月餅一邊賞月啦！若然仲未夠滿足，咁大家就一定要欣賞埋呢個被形容為「世界遺產級」嘅罕見「月光」，之唔係青春偶像足立梨花嘅靚股囉！
江山代有才人出，日本寫真界中出色嘅巨乳系女優喺人才輩出之下，可以話將巨乳系嘅氣勢一代一代咁延續落去。至於美尻系女優呢？自秋山莉奈退下火線之後，就有倉持由香以及安枝瞳接棒，之但係安枝瞳早前就宣告同憑住一首《PPAP》大紅大紫嘅PIKO太郎結婚，並宣布退出水着界，幸好大家要睇靚股總會有好選擇，例如今日同大家介紹嘅足立梨花。
年方24歲嘅足立梨花生得青春嬌俏，面上帶天真純潔同時仲有一點點罕有嘅淳樸感，一副天使般嘅面孔相當討好。梨花妹生得骨肉勻稱，肌膚嫩白細緻，一睇就知道天生麗質，質感滑不溜手喇！雖然梨花上圍唔大，但係勝在蛇腰夠纖幼，而屁股則堅挺又飽滿，形狀猶如一個蜜桃，更加被稱為「世界遺產級美尻」，可想而知梨花美尻之吸引力及悅目度有幾高啦！
數數手指，原來足立梨花踏足藝能圈已經有10年日子喇！10年前，梨花喺爸爸嘅鼓勵之下參加第32屆「Horipro星探隊」選拔活動，成功從51,923位參加者當中脫穎而出贏得冠軍寶座，繼而擔任美少女模特兒工作，後來更加成為電視台常客，首部演出嘅電視劇就係《我要上太空》。由於梨花形象清新又活潑，出道以來一直都深得人心，之不過演出《海女》嘅時候，由於足立梨花於劇中扮演女主角能年玲奈嘅對頭人有馬惠演得太傳神，惹來能年玲奈嘅粉絲對梨花妹作出惡意批評，幸好阿妹唔介意，仲表示大家覺得呢個角色夠晒衰格代表佢演出成功。演技出色惹來批評，亦令梨花妹成功得到好多擔任女主角嘅機會，好似今年擔正演出嘅電影有《藏在心中的惡魔》。除咗忙於拍戲，梨花最近嚟個大蛻變，唔着泳裝換上一系列性感內衣拍照令人眼前一亮，好多人都大讚梨花原來可以咁誘人咁具挑逗性，真真正正變大個女咯。
簡介：足立梨花工作忙碌，如果想緊貼佢工作實況就要多啲睇佢嘅Twitter，從中亦可以見到梨花平時去邊度吃喝玩樂。
網址：https://twitter.com/adacchee?lang=ja
年齡：24歲
身高：5呎3吋
三圍：33-23-34
撰文：賢