雖然話大樹好遮蔭，但係作為樂壇美少女組合成員，想喺眾多美少女當中突圍而出確實唔容易；又有云魚唔過塘唔肥，發展得咁上下，個人知名度以及歌藝都有番一定水平，當然要識得搵個合適嘅時機走出嚟作個人發展啦！而喺日本演藝界，唔少從美少女組合畢業轉移作個人發展嘅美人兒，第一時間都會向寫真界進軍，點解呢？所謂青春無限美，梗係趁自己仲鮮嫩嬌美嘅時候以性感姿勢盡量爭取觀眾注目，最近嘅例子就有仙石麻奈美。
26歲嘅麻奈美青春俏麗，予人清新嘅陽光感覺，同時擁有一副婀娜而帶曲線美嘅胴體，E Cup上圍相當有睇頭。麻奈美喺13年前展開演藝生涯，做過美少女組合「Hello! Project Egg」、「UFZS」等成員，家陣佢隸屬於組合「Up Up Girls」。今年4月，麻奈美宣告將會於秋季作個人發展，主要工作除咗拍戲之外，仲會拍寫真，而寫真集《みなみの決意》就係麻奈美嘅最新作品。書名話明要顯示決心，麻奈美嘅演出當然唔會揸流攤啦，以出道以來最性感、露出度最高嘅打扮登場，仲會大玩濕身誘惑，加埋擠胸、托胸、倒奶等誘人動作以及充滿挑逗意味嘅表情，足以顯示麻奈美已經大個女，並且決心喺寫真界打拚！
書名：《みなみの決意》
售價：約HK$216
撰文：賢