美國有唔少成人小說家，當中最具地位嘅，相信早喺1981年就開始創作嘅諾拉‧羅伯特（Nora Roberts）必然係其中一位。至今已經寫過逾200本成人小說嘅佢，自1991年起每本作品都成功打入《紐約時報》暢銷書排行榜，當中有53本作品更奪得銷量冠軍寶座，其中包括《水岸綺戀》（Sea Swept）。Nora Roberts不但被選為美國人最喜愛嘅小說家，更係美國羅曼史小說作家協會（Romance Writers of America, RWA）嘅創始會員，同時亦係「美國羅曼史作家名人堂」嘅第一人。
《水岸綺戀》以切薩皮克灣昆恩家四兄弟為故事骨幹，並各自發展出自己一個情慾故事。坎默隆曾先後喺飛行界同賽車界中獲得極高成就，而佢啱啱喺世界水翼船大賽中奪得冠軍，榮譽同金錢全部匯聚於一身，絕對係人生最輝煌嘅時期！點知有日佢收到一個晴天霹靂嘅消息，就係佢養父雷蒙遇上交通意外，瀕臨死亡邊緣，同時留下一名身份不明嘅10歲男孩賽斯畀佢照顧，由於佢將要到意大利參加電單車越野障礙賽，決定回到海灣老屋將賽斯交畀三位兄弟代為照顧，但卻遭到對方拒絕。呢個時候，突然有位外形迷人嘅長腿女社工安娜出現，一邊跟進賽斯嘅事，一邊質疑坎默隆監護人嘅身份，事關佢不但單身，更冇固定工作，冇長期住所同埋冇做家務嘅經驗。面對如此火辣女郎嘅誘惑、神秘男孩嘅身世同事業上嘅困擾，坎默隆最後點樣突破重重阻礙，成功同安娜發展出香艷無比嘅關係呢？
書名：《水岸綺戀》（Sea Swept）
作者： 諾拉‧羅伯特（Nora Roberts）
譯者：唐亞東
售價：約HK$80
撰文：魂