受颶風哈維及艾瑪連環夾擊嘅美國，除咗政府提供援助，其實亦好需要大家伸出援手，而呢方面，睇嚟脫星比明星更真心喇！繼早前一眾脫星各自喺社交網呼籲粉絲出錢出力後，近日成人網站「Nubiles Network」發起募捐活動，目標係極速籌到20,000美元，甚至更多。
網站銷售部經理Kristin G對傳媒話籌款方法非常簡單，由即日起，各大小脫星可以引領粉絲到網站嘅「YouCaring」籌款頁面捐款，而為咗令各界更踴躍捐錢，「Nubiles Network」搞咗個活動，只要捐款人註明以邊位脫星嘅名義捐款，到9月底，就會統計籌款數目，屆時Nubiles會以籌得最多善款嘅脫星名義再捐出3,000美元，雖然有網民鬧爆此舉借捐款為名，抬舉脫星為實，但為咗盡快重建災區都不失為一個好方法嘅！
撰文：祖