被人刪社交網帳戶大不了咪重新開過，但冇咗個帳號而見財化水，嗰啲錢好難賺得番！好似脫星咁，社交網絕對係佢哋通知粉絲最重要嘅工具，近期Missy Martinez唔知點解被人封咗Twitter帳戶，真係喊得一句句呀！
早前成人傳媒發現Missy Martinez兩個Twitter嘅帳戶被停用，起初以為係當事人上傳咗啲尺度過激嘅相片而被停號，但事隔幾日阿妹依然冇聲氣，令人誤以為佢無聲無息引退，傳媒追問當事人原因，結果答案係Missy Martinez都話唔知點解會咁，而令阿妹最嬲嘅唔係冇得玩社交網，而係一直以來Missy Martinez都習慣喺社交網通知各界幾時有夜場開騷，家陣粉絲收唔到消息，入場人數難免大減，直接影響佢嘅收入，呢筆數阿妹話損失慘重！呢件事教訓各位靠社交網搵銀嘅人，虛擬嘅嘢原來真係好「虛」，各位都係做定兩手準備，喺不同社交網開多幾個帳號，事無大小都喪Send資訊畀粉絲，否則因小失大，閣下自理喇！
撰文：祖