今日做藝人可以有「N」個身份，四仔脫星亦都一樣，不論床上床下都可以有多個角色，鍾意玩電玩嘅可以做打機女神，鍾意整嘢食嘅可以教人煮餸食好東西，養寵物嘅就可以分享飼養貓狗心得。以上所講嘅April O'Neil都做齊晒，難怪喺佢嘅社交網甚少見到鹹嘢，永遠都係阿妹攬住隻狗食住甜品喪打機，係咪KOL就未知，但細佬肯定佢非常唔投入脫星事業，直情係唔憂做咁款！
阿妹啲錢邊度嚟得佢先知，但佢得閒兼心情靚先砌番鑊，居然都能夠成為女同大型網站「Girlsway」嘅9月之星（Girl of the Month），呢點真係好多人想知囉！雖然話呢啲乜乜每月之星係小圈子選舉，脫星排隊輪流當上該月之星，但係April O'Neil只係個掛名脫星，咁都可以成為9月之星，真係好難令人信服，皆因阿妹不但喺「Girlsway」極少演出，甚至連其他四仔廠都好少見到佢，巴打只要上網站「IAFD」，阿妹喺今年只係拍過10部四仔，平均每個月拍一部多少少，網絡四仔更無佢份，咁阿妹去咗邊？之唔係要搞個人網上打機頻道囉！早前April O'Neil喺色情網站「WoodRocket」已表明會瞓身打機，當然打機都冇問題，但佢打得渣同唔性感嗰吓先係死罪，但咁都無損阿妹嘅熱誠，繼續開心度日，十足一名「毒女」！
撰文：祖