大公主晒雪肌

做得一國嘅公主,一定係得到國王百般寵愛,食嘅用嘅都經過嚴格挑選以及品質檢定,加上有工人悉心照顧,而且深居簡出,所以公主就算未必生得好靚女,相信其體質必然甚佳,肌膚亦雪白嬌嫩,有「大公主」之稱嘅小田桐奈奈就係以一身雪肌而聞名日本寫真界。27歲嘅奈奈青春可人,氣質夠晒萌,睇個樣似十八廿二,而其一身雪白肌膚好似剝殼嘅雞蛋咁嫩白,令人流晒口水!睇慣日本寫真嘅朋友可能對奈奈唔太認識,咁又係,奈奈雖然多年前出過寫真集,但係佢主力喺樂壇發展,乃美少女組合「放課後公主」成員,而且仲係最大嗰位,故有「大公主」稱號。奈奈以大家姐身份帶領其他「公主」喺舞台上大賣青春活力,人氣相當高。

最近,奈奈終於推出新寫真集,就係呢本《white.》喇!顧名思義,寫真集大賣奈奈雪白鮮嫩嘅胴體以及萌到令人心都甜嘅魅力。奈奈難得推出寫真集,當然要搵個靚景嚟配合啦,今次佢去到充滿美麗景色嘅沖繩取景拍攝,希望阿妹如此白滑嘅肌膚唔會因為沖繩嘅燦爛陽光而曬黑啦!

書名:《white.》

售價:約HK$229

撰文:賢