女神發功乳別不同

世界上到底有冇神嘅存在真係唔知,但係日本寫真界就有好多女神,佢哋之所以被稱為女神,當然係非一般美女啦!神級寫真女郎除咗美貌出眾,風韻迷人,身材亦火辣過人,特別係胸前嘅巨乳集大、挺、彈、嫩、美於一身,真係「乳」別不同,好似今次介紹嘅兩位寫真妹就係最佳人辦!

熊田曜子 最強辣媽

好多女星搏命咁拋胸露乳,無非都係為咗釣金龜,嫁入豪門之後,就可以安心做少奶奶相夫教子,到時就唔使再出賣色相!當然,歷史亦話畀我哋知,有唔少女星嫁錯空心老倌,搞到已經明日黃花都仲要繼續出嚟性感演出,實行再搵老襯……應該係繼續釣金龜至真。世事無絕對,有日本寫真界女神之稱嘅熊田曜子就唔係因為要釣金龜至復出,其實係為咗證明自己仲有實力同班後生女爭一日長短!熊田曜子可謂風華絕代,有番咁上下年紀嘅寫真迷,都應該聽過亦見識過曜子嘅火辣胴體以及迷人魅力喇!

經過年月洗禮,曜子現時35歲,仲已經誕下兩名女兒,但係曜子積極收身,家陣身材已回復當年嘅最佳狀態,更贏得最強辣媽稱號!曜子身材如此火辣,亦不忘重操故業,繼續喺寫真界發光發熱,喺本作《降臨》當中曜子會將自己最引以自豪嘅火辣胴體盡情展露,而且換上嘅打扮唔只得水着,仲有凸顯青春活力嘅網球裝,以及帶有SM感覺嘅馬革裝,加埋曜子足以催動情慾嘅妖媚表情,呢本作品值得珍藏呀!

碟名:《降臨》

收錄時間:109分鐘

售價:約HK$286

殿倉惠未 OL誘惑

以前日本寫真新人好多都係橫空出世,其來歷通常都唔會透露畀人知道,其中一個原因係覺得拍水着寫真同拍AV差唔多,所以寫真女優唔想透露太多個人背景畀人知,費事畀人起底搞到事情通晒天。不過家陣就唔同喇,為咗令新人有噱頭、有賣點,事務所都會公開其原來職業,好似殿倉惠未就獲事務所安排佢以現役美人辦公室女郎作為賣點喇。

惠未身材高挑而豐滿,由OL轉型為寫真女郎以來一直都深受歡迎,而令阿妹人氣源源上升嘅原因,除咗身材,亦與其充滿治愈能量嘅姊系面孔不無關係。喺本作當中,殿倉惠未為凸顯胴體之美,以大量性感泳裝上陣演出,更加會刻意營造跌帶誘惑,瀕臨露點界線之餘,仲會露出一副欲求不滿嘅誘人表情,製作單位更稱惠未如此表現,足以令觀眾受到其費洛蒙所吸引!

碟名:《それから》

收錄時間:108分鐘

售價:約HK$286

撰文:賢