日本AV廠數量相當多，而且各有特色，唔知大家最鍾意欣賞邊一間AV廠嘅作品呢？S1？SOD？定係熟女廠Madonna呢？對於鍾意欣賞時尚綺麗美人嘅AV迷嚟講，Ideapocket呢間廠嘅出品絕對係不二之選。今年係I廠成立15周年，為感謝粉絲嘅支持，極為罕有咁出動全廠精英女優及舉行公開活動，仲精心炮製重頭AV作品添！
日本AV業界競爭激烈，若果冇番咁上下實力，好快就會被淘汰。以現時AV界嘅情況嚟睇，眾多AV廠都憑住自己嘅特色風格而搵到生存空間，當中唔少都能夠經營10年以上，好似S1、Moodyz、SOD等，至於唔少AV迷至愛嘅Ideapocket由2002年成立至今，已經踏入15周年，真係值得慶祝！
呢15年以來，I廠為我哋帶來好多綺麗女神，佢哋打扮時尚標致，正好配合廠方以時尚美女為宗旨，至於呢班綺麗女神當中，相信大家都認識唔少，包括有混血女神Rio、原更紗、栗林里莉、天海翼、希崎謝茜嘉、希美麻由等。至於I廠嘅作品系列中，亦有唔少知名系列，好似《First Impression》、《DC》以及極為重口味嘅《100發之精子飲》等，相信AV迷一定有睇過。
I廠嘅作品題材雖然冇SOD咁日日新鮮，多數都係一個系列拍幾十部續作，但係拍攝技術專業，加上女優傾力演出，長久以來一樣令AV迷睇得開心又興奮，地位拍得住同屬北都集團嘅S1以及Moodyz。而最近I廠就叻過呢兩間大廠喇，事關早前I廠為慶祝成立15周年搞咗個大型活動「Ideapocket Summer Festival 2017」，出動廠內9大專屬女優同一眾AV迷見面，比起S1同M廠咁多年來都唔多會安排女優與眾同樂，態度親民好多，希望I廠未來可以搞多啲同類活動啦！
至於9位女優係邊幾位呢？包括最近頻頻喺演出上作出大解禁嘅一姐天海翼、大食妹桃乃木香奈、柚月向日葵、有原步美、明里紬、渚光莉、星川光希、君川結衣以及超新星櫻空桃，佢哋一登場先自我介紹，然後用繪畫嚟回答主持人嘅問題，例如主持人問佢哋理想嘅對象係點樣？結果估唔到精靈活潑嘅桃乃木香奈，原來鍾意光頭又有皺紋嘅成熟男！冇頭髮嘅朋友以後唔使再咁冇自信喇！
回答完一系列問題之後，大家都對呢班女優嘅喜好同背景都有所了解，但係大家都覺得仲未睇清楚女優們嘅「底細」喎！冇問題！I廠都知道大家畀成4,000至40,000日圓入場費參加活動，主要都係為咗欣賞女優嘅性感身材，所以喺活動最後一Part，9位女優齊齊剝衫，以泳裝姿態畀大家影相，滿足大家嘅願望。
提到為觀眾嘅眼福着想，I廠近期就為此而努力喇，除咗搵來超新星櫻空桃推出VR作品之外，9月新作當中有部重頭大作叫做《Legend Impression史上最強コンテンツで贈る奇迹の共演！240分》，呢部AV作相當厲害，除咗搵來一姐天海翼上陣，仲搵埋已經轉會S1嘅舊將希崎謝茜嘉聯手出擊，兩大女優同場大鬥性技同演技，4粒鐘片長毫無冷場！而I廠希望憑呢部作品揚威今年AV OPEN頒獎禮，對於呢個頒獎禮嘅最高榮譽大獎「日本一」，似乎志在必得！
撰文：賢