喺香港好多年輕人一踏入18歲呢個法定成年階段，就會即刻做大人先可以做嘅事，我指係入戲院睇三級片。而喺日本，年輕人踏入20歲先叫做成年，咁佢哋會做啲乜呢？當然係參加官方舉行嘅成人禮啦！至於藝能界新貴武田玲奈為慶祝踏入20之齡嘅活動相當豐富，就係去到美國拍攝最新寫真集以作紀念。
武田玲奈出道拍劇同拍電影已經有兩年半，阿妹青春貌美又一派純情，同時擁有一副纖巧且具曲線美嘅誘人身材，所以拍水着寫真特別受粉絲歡迎，更加被稱為有史以來最強嘅寫真素材添！不過，由於玲奈忙於拍戲，足足相隔兩年後至推出呢本最新寫真集《rena》！而為慶祝玲奈踏入20歲大個女，為隆重其事特別飛到美國邁阿密及紐約取景拍攝，於當地繁華嘅街道以及壯麗嘅自然環境展露出健康嘅成人美態，仲有玲奈將甜美嘅一面以及難得從百忙之中放鬆身心，表現出開朗又興奮嘅心情，令人亦受到感染而豁然開朗！
書名：《rena》
售價：約HK$183
撰文：賢