睇「打機女神」就話正啫，「打機男神」睇怕冇巴打會感興趣啩？但四仔男神Manuel Ferrara就唔係咁諗，事關佢從來無諗過要將直播打機變成事業，皆因佢早就有名有利，純粹為實現童年夢想。咁當然Manuel哥都有一班忠實粉絲追隨嘅，理由當然係有女睇，仲要係一線脫星添！原來Manuel Ferrara早就開設網站直播打機，兼且仲有好多一姐陪打，而陪得最多係佢愛人Kayden Kross。最近Manuel Ferrara話要為慈善出分力，搞咗個24小時馬拉松打機，不眠不休咁喪打，仲搵咗一班贊助商送禮，只要網友捐錢，就會獲得禮物，所有收益會撥捐St. Jude's Children's Hospital作癌症醫療用途，真係好有意義！或者男神都知自己打機嘅叫座力一般，所以佢請嚟幾位脫星幫手，包括Angela White、Abella Danger及Kendra Sunderland三位正到爆嘅囡囡上場陪佢打機，你以為焦點都落晒喺啲女度？Sorry，今次竟然係男神最搶鏡，皆因眼利嘅網友發現佢同近年留鬚嘅球王美斯撞樣，相似度達99%，點解咁遲先發現？又難怪嘅，向來四仔鏡頭都甚少影住男優，家陣男神坐定定打機，巴打先可以睇真啲囉！