今日係「世界攝影日」（World Photo Day），係攝影師同攝影愛好者嘅日子，但我哋亦可以趁呢個日子欣賞出色嘅攝影作品，而識睇一定係睇寫真，日本有唔少題材特別又養眼嘅寫真作品，等大家開一開眼界。
8月19日之所以被定為世界攝影日，就要從法國發明家兼藝術家路易‧達蓋爾（Louis Daguerre）所發明嘅銀版攝影法（Daguerreotype）開始講起。喺1839年1月9日，法國科學院（French Academy of Sciences）宣布銀版攝影法誕生，同年8月19日，法國政府不但將專利買落嚟，同時宣布將呢項發明向全世界無償公開（Free to the World），換言之，大家不但知道當中操作方法，同時可以自由地使用呢項新攝影技術，因而令攝影得到普及並成為當時嘅主流攝影技術。因此，1839年不但被稱為「攝影發明年」，8月19日亦被定為「世界攝影日」。
藝術同色情之間只係一線之差，最重要係大家抱住乜嘢心態去睇，否則點會有人覺得大衞像係色情雕塑先？不過，寫真集《裸之傑作》（裸にいっぴん），因為出自日本情色攝影的青山裕企嘅手筆，令人不期然思想諗歪。須知道，青山裕企喺日本寫真界係美少女、妄想、絕對領域等代名詞，而呢本作品擺明從「裸」出發，難免令人邪念爆發！不過大家要冷靜，雖然呢本作品搵嚟多個AV女優擔任寫真模特兒，又以裸露為主題，但卻一點不露，反而模特兒會配上唔同嘅飾物及衣着，從而展現裸體藝術。正如青山裕企表示，佢只係想透過藝術角度，讓讀者嘅腦海自行鋪滿裸體場面。
如鮮花盛放嘅女孩，再加上脫掉兩個字，係咪會令大家充滿幻想呢？由日本近年冒起得極快，被稱為自然系攝影師花盛友里嘅寫真集《脫掉了》（脫いでみた），單係睇個書名就已經令人有遐想，仲搵嚟武居詩織、長澤Mei、猪鼻千尋、持永真實等多位日本青春模特兒，以及人氣寫真女優等50名美女登場，佢哋以內衣造型示人，而攝影師將鏡頭焦點集中喺胸、臀、大腿等地方，係咪好養眼先？不過有人就唔係咁睇，話花盛友里作為自然系攝影師嘅宗旨係「Be Natural」，目的係透過柔和嘅燈光加上模特兒自然嘅流露，從而展現出女性嘅自信美。不過小弟就唔理咩宗旨，總之寫真養眼夠吸睛就得啦！
有邊個男人唔想喺巨乳之峰上漫遊呢？大家唔使再幻想喇！皆因有本寫真集可以滿足到男人嘅幻想，就係由日本「ekoD Works」工作室推出嘅寫真集《山谷中潛水員公式寫真集 激凸的引力》（タニマダイバー公式寫真集 ふくらみの引力）。之但係，「ekoD Works」唔係一間創意飾物嘅工作室嚟咩？係呀，只係佢設計咗一批以跳入美乳之間為意念嘅特色頸鏈吊墜，於是推出呢本妄想度十足嘅寫真集，主題係降落於雙峰之間。而吊墜有飛墮嘅上班族、跳傘家、跳水員、潛水員、太空人等，透過佢哋極具動感嘅下落動作，加上猶如自然奇觀嘅各種巨乳深溝，展現出令人意想不到嘅視覺效果。不過話說回來，其實大家嘅焦點會落喺「山谷」之中定係個吊墜上呢？
女性嘅鎖骨有幾咁吸引，好似只有女人先至會明白。不過咁諗就錯喇！事關呢本由日本攝影師岡戶雅樹操刀嘅寫真集《鎖骨女子》（デコルテ女子），正正係為咗展現鎖骨魅力而推出。據岡戶先生稱佢認為女性嘅前胸同鎖骨，天生一種萌味，不論係平平無奇嘅心口，定係激凸嘅雙子峰配誘人嘅鎖骨，絕對係引爆男性妄想嘅危險領域。雖然佢講到又萌又危險，但就咁睇落去好似冇乜吸引力，只係當大家再睇埋岡戶雅樹嘅創作意念時，就會發現原來平淡中暗藏邪念，佢話為咗展現呢種危險美，鏡頭會捕捉身穿單薄衣服，加上毫無戒心嘅美女所呈現出嘅自然美。薄衫加冇戒心，嗱，你唔好話我諗多咗呀！
睇完啲題材特別又養眼嘅寫真集，呢本相對嚟講就大路好多，仲極具收藏價值添！佢就係日本AV女優團體「惠比壽★麝香葡萄」首本推出嘅寫真集《惠比壽★麝香葡萄漏掉或沒漏掉》。呢本即將發售嘅寫真集，搵嚟有「鬼才」同「深夜番組之帝」之稱嘅McCoy齋藤監製之餘，更雲集「惠比壽★麝香葡萄」現役所有團員拍攝，包括三上悠亞、白石茉莉奈、神咲詩織、川上奈奈美、由愛可奈、湊莉久、桃乃木香奈、葵司、明日花綺羅等，單係睇呢個名單已經夠晒吸引！不過大家唔好諗住會有露點演出，女優們最多只係擺出挑逗性甫士同玩吓倒奶咋，但係都夠你滿足啦！
撰文：魂