近年內地人身家愈來愈豐厚，更加有好多土豪出現，佢哋財大氣粗又鍾意炫耀自己幾有錢，令小弟我呢啲窮等人家睇到眼火爆！之不過，睇到呢位炫富女就一定唔會令大家怒火中燒，而係慾火上升，因為佢係魅力特強，足以迷盡天下男人嘅AV天后明日花綺羅！阿妹自從轉投到S1旗下，人氣愈來愈高，片酬當然亦一樣高啦！不過，據聞綺羅已經唔使再靠拍AV搵錢，事關佢除咗出席攝影會、舞台演出搵銀之外，佢亦獨到眼光，從競馬博彩中大有斬獲，早前佢自爆喺一場競馬比賽贏咗40幾萬港元！由於綺羅生財有道，經常一身名牌，可以話係AV界中嘅頂級富婆。最近綺羅冇乜新作品推出，有人擔心佢可能已經搵夠錢上岸，幸好說時遲那時快，又有綺羅嘅最新消息，原來佢唔係上岸，而係夥拍惠比壽★麝香葡萄嘅兩位隊友吉澤友貴以及小野美公，以麝香葡萄分支小組形式推出新歌《Champagne King》，而從MV中，見到綺羅打扮得貴氣十足又有派頭，仲嚟個大派銀紙，貫徹自己嘅炫富作風，至於唱片將會喺9月6日派街，有興趣不妨支持一下喇！