做日本人真係好幸福，除咗成日都可以品嘗美食之外，更加可以經常參與AV女優公開活動，早前仲可以一次過見到四大AV天后添！當今日本AV界最具人氣嘅四位天后級女優，就係三上悠亞、大槻響、高橋聖子及花蕾，早前佢哋齊齊去到札幌以及仙台兩地，進行一個名為全國AV迷感謝祭嘅公開活動，AV迷去到現場幫襯買佢哋嘅AV碟，就可以同四位女優見面兼且參加攝影會。而今次難得請到四位咁有分量嘅女優演出，當然唔會齋擺甫士畀大家影相咁單調啦！主辦單位安排四女喺舞台上接受訪問，仲同台下嘅AV迷玩猜謎遊戲，而喺訪問當中，司儀問咗多個有趣問題，其中一條就問及四女若然變成男兒身，佢哋第一時間會做乜，高橋聖子就話會體驗一下以男兒身自娛嘅滋味，花蕾話會直接搵女仔上床，至於三上悠亞就答得含蓄啲，話會去溝女喎！而大槻響唔知係咪平時睇男人睇唔夠，表示想去男士專用浴室沖涼喎。此外，活動亦安排四女送出即場着過上身兼附有親筆簽名嘅T恤，讓AV迷滿載而歸。