現時日本樂壇紅爆嘅美少女組合，相信都係AKB48、SKE48、乃木坂46喇！不過，喺多年前大家只會認識一個組合，就係別名Morning娘嘅早安少女組喇！1997年出道嘅Morning娘雖然冇家陣嘅乜乜48咁成員眾多、陣容龐大，但係一班青春嫩口又活潑好動嘅成員一樣相當有吸引力，知名嘅成員好似後藤真希、安倍夏美等等，今時今日都仲有好多人記得。20年之後，Morning娘依然存在，現役中最出名嘅成員一定係隊長譜久村聖喇！雖然大家未必有興趣去聽佢嘅歌，但係其寫真演出相信絕對能夠挑起男士嘅色心！
20歲嘅長譜村聖眉清目秀，論氣質拍得住被公認為超級美人嘅乃木坂46成員白石麻衣，但係講到身材，村聖妹豐滿誘人，上圍嘅E奶足以令麻衣望塵莫及！最近，譜久村聖推出寫真集《二十歳》，以第9代Morning娘隊長嘅身份迎接組合誕生20周年！當中村聖妹會同大家經歷春夏秋冬，換上不同服裝綻放性感艷光，再配合不同季節嘅自然景色，讓大家感受四季滋味。
書名：《二十歳》
售價：約HK$211
撰文：賢