師傅成日同我講打死一世工，係唔會發達，所以搵到錢就要幫資金搵出路，作適當投資或者創業。我唔望發達，但求平平穩穩咁度過餘生就算喇。其實相對於我哋一般打工仔，AV女優其實更需要將辛辛苦苦賺番嚟嘅酬金好好運用，事關青春有限，女優生涯更加有限，唔識儲錢以及為資金增值，到年老色衰引退之後真係唔知點算喇！好似癡女界女王里美尤莉亞就醒目喇！最近，尤莉亞籌備創立個人內衣品牌「Greedy」，喺眾籌網站希望可以集資250萬日圓，約17多萬港元，為咗盡快達到目標，尤莉亞以美色作利誘，表示注資不同金額嘅人士會有不同待遇，例如注資5,000日圓可以獲得寫真照片一張，若然肯大手筆注資25萬日圓的話，就可以同尤莉亞一齊行街同食飯，不過會有埋經理人一齊三人行。在此希望尤莉亞可以成功創業，大展鴻圖啦！