物以類聚，連同類型嘅新聞都接二連三咁出現。早前日本妹系AV女優涼宮琴音唔知係飲醉咗定係食懵咗，突然喺社交網上留言表示另一位妹系女優若月瑪麗亞係佢親生妹妹，消息傳開之後，AV迷都議論紛紛，甚至好多人已經幻想到佢哋兩姊妹齊齊上陣拍AV嘅場面添！之不過，後來琴音又再留言表示瑪麗亞只係佢一個冇血緣關係嘅家族成員，經過佢解釋之後，事件總算得以平息。
那邊廂，又有一單消息同姊妹檔下海有關。最近主打可愛系女優嘅AV廠Kawaii發表新一輪作品名單，其中一部新作係由一位叫做音市真音嘅新人主演，音市真音？乜個名同K廠前專屬女優音市美音咁相似嘅？而真音嘅作品封面上仲寫住「音市美音之妹」，而且亦可以見到美音同真音嘅親密合照。嘩！乜咁難得兩姊妹都拍AV呀！不過，真音同美音係就係一樣咁可愛，但係兩人嘅五官一啲都唔似喎，到底呢兩姊妹係真定假呢？音市美音最近喺社交網上表示，音市真音並唔係佢嘅親生妹妹，之不過美音咁樣爆料似乎揭破咗舊東家Kawaii嘅謊言，於是留言冇幾耐就被刪除喇。至於「音市姊妹」到底係咪真係親生姊妹，暫時仲未有證實。
撰文：賢