森咲智美幾大都要跑

俗語有話阿婆跑得快,一定有古怪。不過家陣啲人愈來愈長命,而長命得嚟身體健康,近年更加有唔少七、八十歲嘅婆婆跑馬拉松添,所以阿婆跑得快一啲都唔古怪。之但係,森咲智美呢位馬拉松好手跑得快就真係古怪喇,因為佢身懷一對重量級巨乳,負擔咁重實在幾難走動,而智美話雖然上圍Cup數仲有上升趨勢,但係佢幾「大」都要繼續跑!

妖艷尤物

古代有好多傳說話世上有好多妖怪,有部分係由動物吸收靈氣,繼而化身成妖精,而妖精有番咁上下修行可以化作人形,吸引獵物上釣,吸取對方嘅精氣,至於呢種妖精通常都係狐狸精、蜘蛛精,獵物則多數係男人!不過,傳說中又唔係隻隻妖精都係害人之物,而且佢哋更係艷麗迷人,若然妖精好似森咲智美咁,男人又點能夠抵受得住美色引誘呢?

今年24歲嘅智美面上散發出成熟風韻,氣質帶點妖媚,一顰一笑足以迷倒男人,特別係一雙銷魂無比嘅淫眼,更加具攝魄勾魂嘅魅力!智美身材豐滿雪白,胸前嘅G奶堅挺又飽滿,玉臀亦圓潤肉厚,兩者之間仲有一條柔軟水蛇腰,呢副胴體實在誘人,與一代寫真界惹火尤物森下悠里非常相似,不過以現時情況嚟睇,我就梗係揀廿幾歲嘅森咲智美啦!

重新鍛煉

森咲智美喺2010年出道,不過當然唔係做寫真女郎,而係做臨時演員搵外快。後來,智美嘅姣好身段及美貌被人賞識,獲邀做賽車女郎。由於智美出身於名古屋,發展演藝事業初期亦以家鄉為根據地,後來加入嘅「OS☆U」亦係活躍於當地嘅美少女團體,成為「OS☆U」成員之後,智美曝光率更高,除咗展露美妙身材畀大家欣賞,仲發展埋歌唱事業,推出單曲《一邊看風》。上年智美從「OS☆U」畢業,並且展開上京之路!喺日本藝能界,上京係一個重要發展,事關東京乃最重要嘅演藝基地,能夠上京發展絕對係演藝事業上嘅一大成就,道理就好似影星去荷里活拍戲咁,而智美上京之後,憑住震撼性身材成功喺寫真界打響名堂。

智美最近表示希望未來一年可以進軍影視圈,亦希望可以繼續跑馬拉松。智美係一個運動型美女,除咗鍾意打排球,亦鍾意參加馬拉松比賽,喺2013年、2014年及2015年都有參加名古屋女子馬拉松賽事,2014年更加參加木曾三川超長距離馬拉松,成功完成60公里賽事!但係智美話近年因為工作太忙,少咗練跑,加上上圍愈來愈大、愈來愈重,未來好想重新鍛煉,再踏上賽跑之路。

社交網站

簡介:從森咲智美嘅Twitter當中,可以見到智美經常同大家分享拍攝寫真嘅花絮,其中不乏性感寫真照,大家想欣賞智美嘅激凸上圍,Click入去就無走雞喇!

網址:https://twitter.com/p_tomo0812?lang=ja

森咲智美Profile

年齡:24歲

身高:5呎3吋

三圍:36G-24-35

撰文:賢