台灣嘅色情服務有好多種，好似美容院、養生館及外送茶等，不過呢啲都係大路服務，位於較為偏遠嘅地方，原來仲有一種活色生香嘅玩法，就係脫衣酒店。顧名思義，呢種玩法係玩家去到酒店後，有艷舞女郎入房大跳貼身脫衣舞，當女郎剝光豬後，仲會坐喺玩家大髀上磨嚟磨去，最後提供乜嘢服務，就要視乎玩家畀幾多錢。呢類酒店於屏東縣恒春半島嘅數量最多及人氣最高，不過人氣愈高，自然引嚟有關當局注意，早前當地警方就對其中一間脫衣酒店進行放蛇行動，偽裝成玩家嘅5名警員初時以為需要特殊暗語柯打服務，點知佢哋入到酒店房冇幾耐，電視突然播放音樂，然後有3名女郎走入房大跳艷舞，呢個時候警員即刻表明身份，將3名女郎帶返警署。警方表示為咗配合當地發展旅遊業，未來將會大力打擊相關色情活動。