乜嘢叫做經典？最基本嘅定義就係過咗好多年，仍然有唔少人記得佢，呢啲咪叫經典囉，好似喺1988年開始連載並紅極一時嘅日本漫畫《魔法陣都市》，就係其中一個漫畫經典。當中嘅美艷女主角奇蒂‧菲尼爾（Kiddy Phenil）憑住火辣身材，同埋性感無比嘅低胸衫加超短迷你裙，成為人氣漫畫女角色。雖然漫畫已完結多年，但係至今仍然令人津津樂道，嚟緊仲會改編成舞台劇添！既然係經典又有舞台劇，相關模型梗係乘勢推出啦！
最新登場嘅奇蒂‧菲尼爾模型，繼續貫徹佢超性感形象，但係今次佢並非以制服造型登場，而係以兩件頭泳衣示人。究竟呢件泳衣有幾性感呢？G String泳褲充分展示出佢下半身迷人嘅曲線，加上一對修長美腿，睇頭十足！不過，講到模型最養眼嘅部分，當然係佢上半身啦，事關嗰件Tube Top包唔晒一對巨乳，露出南半球，加上激凸嘅上圍惹起大家唔少幻想。如果以為性感僅限於此嘅話，咁就錯喇，佢仲加入可剝衫嘅設計，玩家可以親手除咗佢件Tube Top，以半裸造型震憾大家嘅眼球，絕對能夠滿足男士們嘅慾望。
全高：約175mm
售價：￥11,880（約HK$820）
撰文：魂