提起Paige Jennings，睇怕大部分四仔迷對佢都冇乜印象，咁「華爾街實習生」應該有啲印象啩？自舊年底宣布完成手頭上工作後離開脫星界至今，Paige Jennings的確冇再同四仔界有任何關係，今日講佢，唔係因為佢有意復出，而係阿妹已經展開第三事業，學人做全職YouTuber，現有超過30,000個訂閱，當然稱唔上勁，但都算係咁喇！
Paige Jennings早前接受Fox News訪問，大談由脫星轉投YouTuber所面對嘅壓力，阿妹話壓力出奇地少，亦因為想做網絡紅人，所以冇時間去理會閒言閒語。至於自稱對電玩冇興趣嘅Paige Jennings，點解會以打機嚟吸引網民呢？原來阿妹唔係玩玩吓，喺開設個人頻道「RedHeadRedemption」之前，已經做晒市場調查，而據調查結果顯示，電子競技行業預計今年收入為6.96億美元，到2020年達到12.2億美元，年增長率高於35％。咁大個餅，難怪阿妹日夜瞓身打機啦！所以話，唔係有眼耳口鼻都可以學人拍片做網絡紅人o架，你先望吓擁有天然34DD巨乳嘅Paige Jennings，有樣有波又有腦，再望望自己，咁你咪明乜嘢人應該拍片囉！況且，Paige Jennings嘅網絡頻道除咗有打機片，仲有好多意淫爆燈嘅性教育片，話晒佢都係脫星出身，唔係點呃Like呀！
撰文：祖