男人嘅邪念真係無時無刻都存在，但係邪念嘅嘢又唔一定係男人嘅專利，好似日本最近就有一種仙人掌因其外形而成為網絡熱話。不過講到最過癮嘅，莫過於美國有成人影片網站推出一種可以聞到氣味嘅口罩，配合VR眼罩使用真係勁過癮！
有人話VR係用嚟打機，亦有人話用VR睇AV相當過癮，雖然呢兩種用途對男人嚟講都好重要，但老實講後者會更加吸引，若然可以邊睇VR邊聞到女優體香嘅話，咁就認真活色生香喇！呢種唔係幻想，皆因美國四仔影片網站「CamSoda」為大家帶嚟可以配合VR眼罩使用嘅氣味口罩「OhRoma」。CamSoda於上年開始喺網站內推出VR四仔畀「有色之士」逼真視覺體驗，而今次推出嘅「OhRoma」更係滿足埋大家嘅嗅覺享受。「OhRoma」兩邊「豬嘴」內可各放置6款香味盒，當中分別有「私處味」、「體味」、「香水味」、「底褲味」、「催情藥味」同「環境味」，雖然款式得6種，但每款香味盒其實又可產生出多個層次氣味，據稱可產生多達30種唔同嘅氣味。用家只要用手機應用程式將「OhRoma」通過藍芽跟手機連接，VR眼罩便會顯示出香味選項，用家便可選擇最啱心水嘅誘人氣味。
據CamSoda嘅總裁Daron Lundeen表示，呢種視覺與嗅覺嘅融合，能帶畀大家極為像真嘅成人體驗。講就講得好似好勁，實際上係咪咁掂呢？嚟自加州嘅測試員James B.表示：「氣味聞起嚟同真嘅一樣，令人猶如置身現場，完全忘記自己喺度睇緊VR四仔。」「OhRoma」售價69.99美元（約546港元），而每個香味盒由5.99美元（約47港元）起，有興趣嘅話不妨試試。
日本有好多正嘢，而變態男女亦有唔少，而最著名嘅就係癡漢喇！話說回來，究竟日本邊度最多變態人士出沒呢？日本網絡研究網站「Qzoo」早前做咗個名為「貌似變態人士最多的都道府縣」嘅調查，透過網絡投票選出日本5個貌似最多變態人士嘅地區，該調查獲得20至60歲合共398名男女投票，結果排第5位係埼玉縣同沖繩，之但係就連「Qzoo」都唔明點解呢兩個相距咁遠嘅地方，竟然可以打入5名內；第4位係北海道，理由係可能受到當地紅燈區薄野嘅影響，以致畀人嘅感覺變態人士較多；第3位係千葉縣，「Qzoo」亦唔明點解千葉縣同埼玉縣相鄰，但係兩者票數會相差咁遠；第2位係大阪，分析認為可能大阪有唔少搞笑藝人，而佢哋嘅笑話中經常含有色情元素所致；至於第1位就係東京，佢得到冠軍係唔少人意料之內，事關佢唔單止風俗事業發達，加上網絡及新聞中關於變態人士嘅事件亦唔少，因此予人好多變態人士嘅印象。不過呢個調查並非一個嚴謹嘅研究，大家唔使咁認真，只作參考。
呢棵植物點解咁邪惡嘅？睇見之後令人成個腦充滿邪念？皆因佢嘅外形實在太似男士嘅兵器喇！因此喺日本網絡引起唔少人嘅討論之餘，更獲得「男性之光」嘅外號，仲有「珍寶閣」、「珍寶柱」同「珍寶棒」等呢3個花名添，事關呢3個名讀起嚟近似日文陰莖「ちんぽ」嘅發音。其實呢棵咁似男士棒棒嘅植物叫乜嘢名呢？佢係喺日本植物界名叫「成程柱」嘅仙人掌，而學名為「Trichocereus Macrogonus F. Monst」，原產於南美洲安地斯山脈，屬於多肉植物嘅一種。由於佢嘅外形長得太過奇特關係，故此佢嘅英文外號直白地叫做「Penxx Plant」（陰莖植物）或「Penxx Cactus」（陰莖仙人掌）。種植方法相當簡單，只需要提供溫暖同乾燥，加上陽光充足嘅環境，避免擺放喺室外被雨水沖刷就得。另外，雖然佢嘅外形有令人撫摸嘅衝動，但最好避免用手接觸，事關植物汁液含有引致幻覺嘅物質，安全起見都係唔好咁手多喇！
撰文：魂