唔經唔覺，今年已經過咗一半喇！而日本AV銷售網站DMM最近為上半年嘅銷售成績埋單計數，上次就公布咗DVD銷售方面，冠軍唔係超人氣嘅高橋聖子同三上悠亞，更加唔係吉澤明步、明日花綺羅、Julia呢類天后級女優，而係剛剛喺今個月頭至推出首部AV作品《Fade In》嘅知名女藝人仲村美羽！美羽嘅處女作品的確勢頭強勁，但係喺DMM嘅其他銷售榜當中又唔係佢威晒喎！因為DMM最近再公布埋動畫下載部門嘅成績，結果係由美咲佳奈主演嘅VR作品《生中出Special》奪冠。美咲佳奈雖然做過S1專屬女優，一副姊系面孔美艷討好，但係名堂絕對唔響，今次憑住一段VR片段勇奪冠軍寶座，可謂異軍突起，令唔少人大為驚訝。不過消息人士指出，拍攝呢段冠軍作品嘅KMP近期大力向VR方面發展，製作相當用心，亦喺AV迷之間建立起口碑，再加上呢段25分鐘嘅片段下載收費只係980日圓（約70港元），大約係日本人食一個快餐嘅價錢，又抵又高質素，AV迷當然甘願畀錢幫襯啦！而業界亦指出未來開拍VR作品相信會成為大趨勢，睇嚟AV迷要準備副VR眼鏡睇AV喇！