藝術嘅嘢你識咩吖？啱嘅，未睇過真係唔識，但睇完都唔代表你有興趣去認識，除非係人體藝術啦！咩叫人體藝術？用文字解釋就冇意思，不如睇吓《Figure & Form》先講啦！呢本有彩色等於無彩色嘅人體藝術月刊，喺舊年正式出街，至今推出到第12期，話好受歡迎又稱唔上，但你話巴打冇興趣睇咩，咁講就一定唔啱囉！雖然佢哋官方社交網更新速度慢，你又可以話冇嘢好更新，但藝術就係咁o架啦，乜都講Feel嘛！有乜好Feel？咁就巴閉喇，過往12期月刊唔夠一半封面係彩色圖片，更過分嘅係，佔多數都係同一條女做封面女郎，仲有入面竟然大部分係黑白圖片，兼且字都唔多個，擺明要靠讀者自己感受Model拍攝時嘅環境、氣氛及情緒，難怪睇過嘅網友都話呢本雜誌唔係同你講錢，亦唔係色情刊物，絕對係一本人體藝術寫真呀！但唔使擔心佢嘅藝術層面只限於女性，演出嘅囡囡都係又索又齊架生，全裸企喺石灘上吸收天地靈氣、喺森林內靜坐冥想，甚至喺水上表演高難度肢體動作，統統都係赤裸裸去表達，就算你以色情角度去睇，鹹濕層次都高班過人啦！