達人愛人妻 心水一齊睇

人妻最正

早十幾年前小弟仲係好後生，一心諗住快啲搵個老婆仔，再生個肥肥白白嘅囝囝，下半生過住幸福快樂嘅生活，當陣時小弟好鍾意睇日本AV人妻片，從中感受一下人妻滋味。唔知大家對於人妻系作品又點睇呢？鍾唔鍾意都好，其實家陣AV界嘅人妻質素相當高，散發出嚟嘅誘人魅力比好多年輕偶像派女優更加吸引。過去嘅5月25日，係日本嘅主婦休息日，呢個屬於主婦嘅節日喺2009年訂立，每年有三日，分別係1月25日、5月25日、9月25日，喺主婦休息日當中，一班人妻可以大條道理唔做家務抖一抖。早前熱愛人妻嘅日本AV達人兼AV監督嘅花丸有感而發，從近期眾多下海拍AV嘅優質人妻女優當中，挑選咗4位滋味十足嘅囡囡同大家分享，佢哋都係來自AV界首屈一指嘅人妻AV廠，其中兩位來自溜池，兩位則來自Madonna，開餐喇喂！

並木搭子 真情流露

推介作品：《拾到AV的人妻》

花丸形容並木搭子雖然擁有人妻外表，但係內裏卻係擁有一顆少女心，幾時見到搭子都一樣咁活潑可愛，賣萌功夫更加不下於一班蘿莉妹妹仔。搭子身材係就係瘦削咗少少，但係正因為冇乜肥肉，加上本身筋骨柔軟度高，令佢同男優纏綿嘅時候可以配合動作兼快感而扭動身體，更重要嘅係表情夠肉緊，絕對係真情流露，正正反映出寂寞人妻喺久旱逢甘露之時嘅興奮！

今井真由美 飢渴無比

推介作品：《走光誘惑》

毫無疑問，AV迷唔會懷疑今井真由美嘅人妻身份，而花丸亦大讚今井真由美係密實人妻假正經，表面上斯文大方又端莊，但係內裏極之Open，真由美最擅長利用正經面孔嚟進行猥褻不堪嘅行為，兩者呈現出強烈對比，迸發出刺激無比嘅視覺效果。花丸更話每次見到真由美施展口技嘅場面，都令佢興奮無比，因為真由美個樣實在太淫太飢渴，尤其係一對妖媚十足嘅眼神，望多兩眼都忍唔住走火！。

橘美鈴 溫柔體貼

推介作品：《附近的人妻突然急接近》

並木搭子同今井真由美係深閨人妻，而橘美鈴就屬於上班族人妻，花丸話橘美鈴身材夠晒弗，着上辦公室女郎套裝認真惹人遐想。花丸覺得橘美鈴喺AV演出當中夠晒溫柔，當佢主動同男優上床交鋒時，每一下動作都輕柔而細膩，展現出人妻服侍老公嘅體貼同關懷。當男優向佢猛攻，橘美鈴嘅表情隨之而急劇變化，顯得肉緊之餘，更因快感不斷衝擊而熱淚盈眶，如此巨大轉變令作品更添刺激。

秋山美咲 聽教聽話

推介作品：《專職主婦秋山美咲33歲AV初次亮相》

秋山美咲聲稱今年33歲，睇個樣就唔多似喇！但係其輕熟風韻總算嗒得杯落，且正好配合人妻路線。至於身材方面，雙峰堅挺，加上肌膚保養良好，白滑兼帶光澤，吸引力強。花丸話暫時嚟睇，秋山美咲嘅演出屬於合格，至於喺床上亦夠晒合作，甚至可以話係極之聽話，任男優們將佢舞來舞去都冇問題，但係花丸建議美咲可以表現得再主動啲同猥褻啲，唔好成日都咁被動。

撰文：賢