寫手H除了偶爾給我們交稿，我知道他更會在一些討論區上寫報告，他一直是那些上樓小店的忠實粉絲，一樓一、指壓、足浴店、上樓骨，不止是因為消費相對便宜，他說更喜歡接觸那個階層的囡囡，「草根啲、平民啲吖嘛。」也不要以為寫手H是老粗，他本職是文職，而且關於教育的，「唔好寫得咁白啦，費事搞到份工。其實做邊行都一樣o架啦，男人，有邊個唔出嚟食吓嘢？」寫手H告訴我，最初他寫網上討論區的報告都是為興趣。
「後來開始寫吓雜誌，自己嘅文章可以印喺紙上面，會有虛榮心o架，但耐咗，就無啦，反而當幫吓啲姐姐，你知我唔係嗰啲係又讚，唔係又讚嘅人，人哋話晒都係小生意，唔嚟玩咪無下次，唔通要踩死人咩！」寫手H說他知道近年有不少網絡打手以商業、以錢先行，只要囡囡不就範，就會發動網軍攻擊、抹黑，手段令人不齒，「我唔同嗰班友，我有份正職，使乜搞到自己咁！」寫手H說，以前他更喜歡寫網，因為用字、態度更自由，現在網絡都變得非常商業化，「唔係個網啲客，你根本都寫唔到報告。」
撰文：黃韋龍