「男神」人人都亂認，但你估講就係o架喇！要有真材實料先得，起碼要識賽車先夠Man啦！係人都知Mick Blue食女無數，但呢樣嘢好多人都做到，反而賽車呢家嘢就唔係人人得喇！唔講唔知，原來Mick Blue對車非常熟悉，兼且有鋪賽車癮，堅有落場同人比賽o架！有圖有真相，話說早前有成人傳媒報道Mick哥將會喺新澤西參加拉力賽，爭奪Sports Car Club of America （SCCA）嘅比賽資格，但當時人人都以為係Mick個人嗜好，所以冇乜人理，直到近日傳媒發現Mick成功入圍，先知道佢一直將賽車視為第二職業。據報道，當日Mick少揸住架銀色Miata出賽，連續比賽三日，期間發生過唔少意外，最後排名第7位，取得往後比賽資格。賽後Mick哥接受訪問時話，多年來都熱愛賽車，曾經考慮過轉做職業車手，無奈四仔事業發展得太順利，根本無時間去實行喎！咁又係呀，捧走個三次最佳男優獎，又有個人製作室，仲有個脫星老婆Anikka Albrite，試問點捨得走吖？