近日AVN名人堂Monique Alexander竟然企出嚟呼籲各位家長，唔好畀子女睇四仔學性技，似乎有倒四仔米之嫌，咁當然Monique Alexander係出於一片好心啦！話說佢早前接受網站訪問，期間提到根據美國Novus Report一個調查，當地有90％嘅小朋友喺11歲開始瀏覽成人網站，Monique表示感到非常震驚，佢仲話唔想脫星成為年輕人嘅榜樣，懇請父母要多多管教自己子女。為此，Monique拍攝咗一段1分鐘短片，題為「Give The Talk」畀家長收看，內容講解色情對未成年人士嘅禍害，而Monique身穿最愛嘅深紫色睡袍及深紫色胸圍底褲，邊講邊剝，鏡頭後面仲有幾個男優等佢埋位，但到男優準備出手之際，突然彈出字幕，真係幾過癮！除咗拍片呼籲，阿姐更同一個非牟利單位Amaze.org合作做健康性大使，旨在讓年輕人正確認識性愛，一代淫后忽然「女神」上身，係咪好矛盾呢？不過食四仔飯嘅Monique臨尾都補充一句，話唔係要妖魔化色情行業，因為佢有其存在價值，講到尾係要夠秤先好睇囉！