能夠過住平淡嘅生活係咪福氣？有人認為係，有人卻唔係咁諗，認為刺激嘅人生先至搵到生活嘅本質。如果大家有興趣探討呢個問題嘅話，就要玩吓呢隻最新十八禁遊戲《Chrono Box》，佢會帶大家展開一段令人心跳加速嘅時間歷險之旅。故事發生喺一個漂浮於大海中，名為「天使島」嘅海島上，男主角那由太不但係島上居民，更係島上唯一一間學園「EDEN」中嘅學員，每日同一班朋友嬉笑玩樂，度過平淡嘅日常生活。直到有一日，一位神秘嘅黑衣少女帶咗一個黑盒嚟到後，原本平淡嘅生活從此掀起波瀾。起初那由太同一班朋友以為黑盒只係一個普通嘅盒子，不過佢哋估唔到原來黑盒竟然具有神秘嘅力量，而黑衣少女所帶嚟嘅噩夢，更喺那由太等人嘅身上慢慢展現出嚟。