傲慢女魔王

大家仲記唔記得人類七大罪係乜？就係暴食、色慾、貪婪、嫉妒、憤怒、怠惰及傲慢。喺2012年日本人氣插畫家Niθ同ACG公司Hobby JAPAN合作，以此為題材推出「七大罪」系列，將之化身成7位女魔王，並推出動漫及模型多元發展計劃。雖然喺去年8月先至公布推出動漫，但模型喺好早之前已經推出。既然係咁，唔通今次介紹呢個傲慢女魔王嘅模型係舊作？梗係唔係啦！佢不但係最新登場模型作品，其造型更係嚟自動漫《sin 七大罪》，換言之係全新設計嘅模型。

呢位傲慢女魔王個名叫做路西法，喺動畫中嘅佢原本係天使，後嚟墮落人界並認識女主角十束真莉亞。有別於以前嘅路西法模型，今次更加着重喺細節嘅刻畫上，尤其係套戰衣上嘅羽毛，手工比以前更好。除咗戰衣精緻度提升外，佢手上一把魔槍同樣做工出色，好似槍頭嗰一對蝙蝠翼及毒蛇，可謂栩栩如生。此外，模型嘅座台亦相當精美。講咗唔少外圍嘢，梗係要講番呢個成人模型最大嘅賣點，就係超高嘅露肉度，咪以為佢只係露出乳溝咁簡單，其實佢套戰衣可以除落嚟，而剝咗套戰衣後，就會以露點加底褲嘅造型同大家見面，相當性感！

全高：約235mm