「Softcore之王」係邊個？Ron Harris又係乜水？要問呢個問題嘅話，證明你對美國四仔界完全唔熟悉，仲停留喺有四仔就睇嗰個層次！無奈，你今日先知道Ron Harris有幾威幾勁都已經太遲，因為大師已仙遊，雖然Softcore色情未至於畫上句號，但肯定目前後無來者囉！
生於1940年嘅Ron Harris，喺80年代出道，主打軟性全裸寫真，繼而拍攝唯美色情四仔，大師嘅風格堅持乾淨、清新，色情得嚟唔覺淫蕩，帶畀觀眾溫暖舒服嘅感覺，一直紅到今日都受人尊重，據成人新聞網XBIZ報道Ron Harris早前因病離世，四仔台前幕後工作人員都深表惋惜。
早喺90年代表已被《Playboy》創辦人Hugh Hefner喻為「The King of Erotica」嘅Ron Harris，咁多年都堅持軟性色情，即使四仔界主流重口味佢都冇變過，曾執導超過450套色情電影，歷來大牌脫星都喺Ron Harris鏡頭下出現過，包括Allie Haze、Bree Daniels及Dani Daniels等，雖然佢哋唔係Ron Harris一手捧紅，但至少將佢哋拍出最純情最女人味一面，今日想呢班大姐再拍，睇怕仲難過叫佢哋扮癡女囉！除咗影相勁，大師仲好關照後輩，喺佢嘅官方網站有寫真睇，亦有親自撰文過萬字教授裸女攝影秘笈，唔係人人都咁大方o架！
撰文：祖