日本樂壇有好多成員眾多嘅美少女組合，好似AKB48、SKE48、乃木坂46等等，成員真係多到記唔晒佢哋個名。由AV女優組成嘅女子團體亦有一個成員數目龐大嘅，就係惠比壽★麝香葡萄喇！經過一輪新舊成員交替以及有人因事退出，現時麝香葡萄成員數目亦有27個咁多。雖然話成員多，演出嘅精彩度以及賣座能力都相對提高，之不過對於成員嚟講，想突圍而出就要面對更大競爭喇！唔知現時嚟計，麝香葡萄咁多位成員當中，邊一位最受歡迎呢？AV天后兼麝香葡萄隊長明日花綺羅？定係人氣小花三上悠亞呢？原來兩個都唔係！早前，日本知名AV資訊平台「AV研究所」搵嚟770名網友投票，睇吓佢哋最鍾意邊一個麝香葡萄成員，結果發現得票最高嘅係SOD專屬女優市川雅美，其次係羽咲美晴同夏目花實，至於三上悠亞排第7位，明日花綺羅則排第10位，睇嚟市川雅美好有觀眾緣喎！