小弟成日都話日本AV界最識得食，唔係話食女喎！而係食住潮流呀！每逢見到藝能界有咩女星紅到爆燈，AV界總會搵到一個樣貌相似嘅女優扮作A貨女星拍AV。而近期日本AV界又興咩潮流呢？答案就係拍VR鹹片，家陣就帶大家直擊拍攝現場啦！
時代進步，除咗令我哋嘅生活更加方便，對於AV迷嚟講所享受到嘅視覺刺激更可以話不可同日而語。記得以前偷睇阿爸嘅鹹帶，心情戰戰兢兢，一來害怕阿爸阿媽突然返屋企發現我做嘅「好事」，二來擔心餅帶睇唔到，大家都知啦，以前嘅錄影帶如果保養得唔好，好容易播雪花（口架）嘛！但係近年就唔同喇，好多AV作品都已經用藍光碟，畫面高清，流暢到不得了，連女優肌膚上嘅毛孔都睇得一清二楚！最近AV迷仲能夠置身其中，因為VR式AV愈嚟愈普遍。早前日本AV資訊網站派員去到拍攝現場進行直擊採訪，當日拍緊AV嘅女優……男優……算啦！都係用日本嘅稱呼「女裝男子」嚟形容橘芹那！一般嚟計，拍VR影片會用到360度拍攝方法，以多個鏡頭去捕捉360度嘅環境動態，但係拍VR式AV就只係需要一個280度廣角鏡，點解會少咗80度角呢？偷工減料？非也！因為製作公司了解到AV迷嘅觀賞心態，女優演出嘅時候通常都係以一對一形式進行，只需要一個較大嘅角度畀大家欣賞就已經足夠，冇理由花心機去拍埋睇唔到女優演出嘅角度，例如道牆同家具。
現場可見橘芹那跟住導演嘅吩咐施展挑逗工夫，全程望實鏡頭做戲，配合VR嘅主觀角度。橘芹那每拍一小段就會停一停，一來要聽導演指令，二來重睇一下片段以作改善，希望拍攝效果盡善盡美，三來要重溫劇本睇吓自己要點做埋落去。據業內人士指出，拍VR式AV絕對係女優演技嘅一大考驗，因為全程以主觀角度拍攝，演出者一定要向鏡頭交足表情，而且幾乎係獨腳戲，由女優自己演晒，諗落都幾忙！點解咁講呢？現場唔係有個男優做佢對手咩？其實呢個男優基本上同吹氣公仔冇分別，事關男優喺演出時一定唔可以出聲，連透氣聲大少少都唔得，除咗粒聲唔出，連撫摸動作都要適可而止！就係咁，女優喺缺乏交流嘅情況之下，情慾更難被挑動，令演出更具難度！
大家可能會話男優只係瞓喺床上，任得女優招呼，唔使下下都擒高擒低，砌到身水身汗，做汁男優都要喺旁邊不住用手自娛，等待輪到自己嘅一刻衝前向女優塊面發炮吖，睇嚟拍VR式AV嘅男優工作性質應該幾爽喎！如果咁諗就大錯特錯喇！VR拍攝方法其實對於職業男優呢個行業帶來相當大衝擊，大家諗吓，呢類AV只需要一個男優解決一個或以上女優，男優需求量自然唔高，而且唔使露面，只需要露出下半身，故此唔使搵好似知名男優清水健咁大隻，亦唔使有加藤鷹咁性技高超，即係話阿豬阿狗都做得，職業男優就變得冇咁吃香！不過，對於AV廠嚟講就不失為一件好事，因為咁樣可以解決職業AV男優嚴重不足呢個長期問題。
撰文：賢