莫講話政客講嘢要過渣，依家脫星講句嘢都要好小心，因為驚返唔到轉頭！查實脫星出出入入好平常，一年內引退同復出嘅脫星不知有幾多個啦！咁點解Veronica Rodriguez明明想退下火線又唔敢認，要透過四仔廠宣布係最後一套男女四仔呢？
脫星要走冇人阻止到，況且搵夠錢上岸係正常不過，翻查Veronica Rodriguez過去6年演出，原來唔經唔覺，呢位現年26歲嘅委內瑞拉妹已拍逾200部四仔，對於一位嫩口但架生欠奉嘅囡囡嚟講，仲唔係超額完成？雖然數量好多，外界對Veronica嘅作品亦叫好叫座，但係阿妹入行以來從未喺AVN及XBIZ呢兩大頒獎禮攞過任何獎項，反而提名就年年都有，呢方面又難怪Veronica谷住道氣嘅，再者當事人多年來都係賣女人味同美感，你睇阿妹嘅個人網站充滿詩情畫意，喺邁亞密拍張寫真之嘛，都懶感性話享受日落嘅淒美感，令人有種浪漫感覺，但佢自己就剝清光囉！當然四仔迷明白Veronica係維護個人形象，滿足佢嗰班男女粉絲，否則呢位得5呎2吋高，童顏貧乳嘅辣妹真係冇晒話題性囉！話時話，Veronica喺美國四仔界打滾6年，向來都冇乜新聞，直至近日ArchAngel有新片《Pour It On! 2》派街，大家先知道係Veronica嘅最後一部作品，仲係由導演MimeFreak話畀大家知添！
講得上係最後作品，咁即係打後都唔會見到Veronica落場砌或磨啦，但係新片由今個月初派街至今，傳媒都搵唔到Veronica證實，而當事人嘅所有社交網都洗版式宣傳新片，不過對於引退則隻字不提，只強調自己係Vrod Productions嘅老闆娘。細佬摷過呢間公司嘅資料，其實由阿妹入行以來，都係用呢個牌頭接Job，而所謂公司其實係佢個人網站veronicarodriguez.com，網站內所有內容都係由阿妹一手一腳包辦，有片有相有嘢賣，近日更新增「Snapchat」環節，想同阿妹玩視頻，盛惠30美元月費，嘩！吹吓水就有幾舊水落袋，有多幾十個忠實粉絲，收入肯定好搵過落床砌啦！但另一驚人發現係「Upcoming Videos」一欄竟然係留白，莫非阿妹決定唔再肉搏，靠夜場騷同虛擬世界VR搵食？係咪退出幕前，真係得佢先知，如果堅係要走，唔該坦白啲講囉！
撰文：祖